Малакий 1:3 - Мукъаддес Китап

³ Исавны исе кореджек козюм олмады. Онынъ дагъларыны парчалап ташладым, яшагъан ерини сахранынъ шакъалларына бердим.

Малакий 1:3 Referans Kwoze

Овадья 1:10

Сен Якъуп къардашынъа яманлыкъ яптынъ. Шунынъ ичюн масхара оладжакъсынъ, эбедиен къырылып битеджексинъ.

Ёэль 3:19

Амма Мысыр мемлекети къуру сахра оладжакъ, Эдом топрагъы бош чёльге чевириледжек, чюнки олар Ехуда огъулларыны чекиштирди, топракъларында къабаатсыз адамларнынъ къаныны тёктилер.

Ехезкель 36:9

Бакъынъыз, Мен сизлерге бетимни чевиреджегим, ве адамлар сизни сачаджакъ ве ишлейджеклер.

Ехезкель 36:7

Шунынъ ичюн РАББИ-ТААЛЯ шойле дей: – Къолумны котерип ант этем ки, чевренъиздеки халкълар озьлери хор оладжакълар.

Йирмея 51:37

Вавилон таш обасы, шакъалларнынъ ювасы оладжакъ, бакъымсыз ве адамсыз къаладжакъ, къоркъунчлы шейге чевириледжек.

Йирмея 49:10

Мен исе Исавны чыр-чыплакъ этерим, гизли ерлерини ачарым, сакъланып оламайджакъ! Эвлятлары, агъа-къардашлары, къомшулары – эписи гъайып олды, озьлери ёкъ олды.

Йирмея 9:11

Ерусалимни таш обасына, шакъалларнынъ ювасына чевиририм; Ехуда шеэрлерини бакъымсыз этеджегим, оларда ич кимсе яшамаз.

Ешая 35:7

Сыджакъ топракъта голь, сувсагъан топракъта чокъраклар пейда оладжакъ. Шакъалларнынъ отургъан ерлеринде ешиль къамыш оседжек.

Лука 14:26

– Эгер Манъа кельген адам озюнинъ ана-бабасыны, апайыны, бала-чагъасыны, агъа-къардашыны, тата-къызкъардашыны ве озь джаныны биле кореджек козю олмаса, о, Меним шегиртим оламаз.

Башланув 25:23

РАББИ онъа бойле деди: – Къурсагъынъда эки миллет бар. Ичинъден эки тюрлю халкъ пейда оладжакълар. Олардан бир халкъы башкъасындан кучьлюдже оладжакъ, ве кичкенесине буюги хызмет этеджек.

Йирмея 49:8

Аркъаларынъызны чевирип, къачынъыз! Къобаларда сакъланынъыз, эй, Дедан топрагъында яшагъанлар! Исавнынъ белясыны башларына тюшюреджегим. Вакъты-саати кельди, Мен Эдомны джезалайджагъым.

Йирмея 49:20

Шунынъ ичюн Эдом акъкъында РАББИнинъ къарарыны, Теман шеэринде яшагъанлар акъкъында ниетини эшитинъиз! Керчектен де, къой-эчкилернинъ энъ уфакъларыны да хырсызлайджакъ, яшагъан ерлерини бом-бош къалдыраджакълар.

Йирмея 49:33

Хацор шакъалларнынъ яшагъан ери оладжакъ, эбедий сахрагъа чевириледжек, анда кимсе ерлешмейджек, инсан огълу анда яшамайджакъ.

Агълав йырлары 4:22

Эй, Сион къызы! Гуналарынъ ичюн джеза битти, Рабби сени бир даа сюргюн этмейджек. Эдом къызы исе! Къабаатларынъ ичюн Рабби сени джезалайджакъ, гуналарынъны мейдангъа чыкъараджакъ.

Йирмея 49:7

Ордуларнынъ РАББИси Эдом акъкъында бойле дей: – Энди Теман шеэринде акъыл къалмадымы? Акъыллы адамларда огют биттими? Икметлери бозулдымы?