Лука 7:50 - Мукъаддес Китап

⁵⁰ Иса исе къадынгъа: – Сени иманынъ къуртарды. Тынч олып бар, – деди.

Лука 7:50 Referans Kwoze

Марк 5:34

Иса исе онъа: – Къызым, сени иманынъ тедавийледи. Тынчлыкънен бар ве хасталыгъынъдан азат ол, – деди.

Лука 8:48

Иса онъа: – Къызым, сени иманынъ тедавийледи. Тынчлыкънен бар, – деди.

Лука 18:42

Иса онъа: – Козьлеринъ ачылсын! Сени иманынъ къуртарды, – деди.

Матта 9:22

Иса айланып, къадынны корьди ве: – Джесюр ол, къызым, сени иманынъ тедавийледи, – деди. Къадын шу ань тюзельди.

Марк 10:52

Иса онъа: – Бар, сени иманынъ къуртарды, – деди. Бартимай шу ань коре башлады ве Исанынъ артындан ёл бою кетти.

Хавакъкъукъ 2:4

Мына, къопай адамнынъ джаны догъру ёлда дегиль, инсафлы адам исе Аллагъа ишанчлыкънен яшар.

Лука 8:42

Онынъ он эки яшларында олгъан бирден-бир къызы олюм тёшегинде ята эди. Иса Яирнен берабер кеткенде, Оны чевре-четинден пек чокъ адам сыкъыштыра башлады.

Лука 8:18

Шу себептен насыл динълегенинъизге дикъкъат этинъиз. Кимде бар олса, онъа къошулып даа бериледжек. Кимде ёкъ олса, «озюмде бар», деп беллегени биле тартып алынаджакъ.

Джемаат башы 9:7

Бар, шенъликнен отьмегинъни ашап, къуванч иле шарабынъны ич. Алла ишлеринъден энди разы олды.

1 Падишалар 1:17

Элий джевап берип: – Аманлыкънен бар. Исраильнинъ Алласы сен сорагъан шейни япсын, – деди.

Лука 7:9

Иса бу сёзлерни эшитип, тааджипленди ве артындан кельген адамларгъа айланып: – Сизге айтам: Мен бойле иманны Исраильде биле тапмадым, – деди.

Лука 17:19

Сонъ о адамгъа: – Еринъден тур да кет, сени иманынъ къуртарды, – деди.