Лука 7:45 - Мукъаддес Китап

⁴⁵ Сен Мени къаршылагъанда, опьмединъ. Амма бу къадын кельгенимден берли аякъларымны опип токътамай.

Лука 7:45 Referans Kwoze

2 Падишалар 15:5

Бирде-бири бель букип, селямлашмакъ ичюн янына кельсе, Авишалом, къолуны узатып, оны къучакълай ве опе эди.

Римлилерге 16:16

Бири-биринъизнен азиз опюшнен селямлашынъыз. Бутюн Месих джемиетлери сизлерге селям этелер.

2 Падишалар 19:39

Сонъра бутюн халкъ падишанен бирликте Иордан озенини кечти. Падиша Барзиллайны опип, онъа яхшылыкъ тиледи, ве о, озь ерине къайтып кетти.

1 Тессалоникелилерге 5:26

Бутюн агъа-къардашларны азиз опюшнен селямланъыз.

1 Коринтлилерге 16:20

Бутюн дин къардашлар сизлерге селям ёллайлар. Азиз опюшнен селямлашынъыз.

Матта 26:48

Хаин Иуда: «Мен кимни опьсем, сизге керек Адам будыр. Оны якъаланъыз», – деп, оларгъа насыл бельги береджегини эвельден айткъан эди.

Башланув 33:4

Исав Якъупнынъ къаршысына чапты, оны къучакълады, бойнуна сарылды ве оны опьти. Олар экиси агъладылар.

Башланув 29:11

Сонъ Якъуп Рахельни опьти ве окюр-окюр агълап,

Эфеслилерге 6:4

Бабалар, балаларынъызны ачувландырманъыз, лякин оларны Раббининъ огюти ве огретювинен тербиеленъиз.