Лука 6:25 - Мукъаддес Китап

²⁵ Шимди токъ олгъанлар, алынъыз беля! Сиз ач оладжакъсыз! Шимди кульгенлер, алынъыз беля! Сиз окюрип агълайджакъсыз!

Лука 6:25 Referans Kwoze

Ешая 65:13

Онынъ ичюн РАББИ-Тааля бойле дей: – Мына, къулларым аш ашайджакъ, сизлер исе ач къаладжакъсынъыз. Къулларым ичеджек, сизлер исе сувсузлыкътан чекишеджексинъиз.

Якъуп 4:9

Кедерленинъиз, окюрип агъланъыз! Кулькюнъиз агълавгъа, къуванчынъыз къасеветке айлансын.

Икметли сёзлер 14:13

Шакъылдап кульгенде биле юрек сызламакъ мумкюн, ве къуванчтан сонъ гъам кельмек мумкюн.

Сырларнынъ ачылувы 3:17

Сен: “Зенгиним мен, зенгинлештим, ич бир шейге мухтаджым ёкъ”, – дейсинъ, амма сен бахытсыз, заваллы, фукъаре, кёр ве чыплакъ олгъанынъны бильмейсинъ!

1 Тессалоникелилерге 5:3

Адамлар: «Тынчлыкъ-аманлыкъ ве хавфсызлыкъ», – деп юргенде, о вакъыт олюм оларгъа апансыздан, догъаджакъ къадынгъа агъры киби, келеджек, ве олар ондан къачып кетмейджеклер.

Эфеслилерге 5:4

Булашыкъ, акъылсыз ве ахлякъсыз лаф сизге ярашмаз. Аксине, Аллагъа шукюр этинъиз.

Лука 13:28

Ибраимни, Исхакъны, Якъупны ве эписи пейгъамберлерни – Алланынъ Падишалыгъында, озюнъизни исе – тышарыгъа къувулгъанынъызны корьген вакъытта агълап, тишлеринъизни гъыджырдатаджакъсыз.

Лука 12:20

Лякин Алла онъа: «Эй, акъылсыз адам! Бу гедже джанынъны алмагъа келеджеклер. Бу азырлагъанларынъ кимге къаладжакъ?» – деген.

Лука 8:53

Олар къызчыкънынъ ольгенини билип, Онынъ устюнден кульдилер.

Нахум 1:10

Олар сыкъ тикенлик ичинде къарышып къаладжакълар, сархош олгъандже шарап ичеджеклер. Оларнынъ эписи, къуру тобан киби, янып кетеджек.

Амос 8:10

Байрамларынъызны агълавгъа айландыраджагъым, эписи тюркюлеринъизни дженазе иляхийлерине чевиреджегим. Эр кесни чувал урбасы киймеге меджбур этеджегим, эр кеснинъ баш сачлары тыраш оладжакъ. О куню бирден-бир огълунынъ артындан агълагъанлар киби оладжакъсынъыз. Бу кунни сонъуна къадар аджджы япаджагъым.

Ешая 28:7

Булар да шараптан тентир-ментир юрелер, ичкиджиликтен ёлларыны шашыралар, руханийлернен пейгъамберлер сюрюнелер. Шарапкъа берилип, ичкиджиликтен акъылларыны ашадылар, руяларында янъылалар, тарифлеринде абыналар.

Ешая 9:20

Онъ тарафта ашайлар – ач къалалар, сол тарафта кемирелер – тоймайлар, эр бири озь къолуны ашап битире.

Ешая 8:21

Олар ер юзю бою долашаджакълар, чекишип, ачлыкъ чекеджеклер. Ачлыкъ заманда ачувланып, падишаларыны ве аллаларыны къаргъайджакъ.

Джемаат башы 7:6

Чюнки ахмакъларнынъ кулькюси къазан тюбюндеки чалы-чырпынынъ чытырдысы кибидир. Бу да бошуна!

Джемаат башы 7:3

Кедер кулькюден яхшыдыр, бет-сымадаки гъам юрек ичюн яхшы.

Джемаат башы 2:2

Бош кулькю акъкъында: «Ахмакълыкъ», шенълик акъкъында: «Ондан не файда?» – айттым.

Икметли сёзлер 30:9

Ёкъса боллукъ корип, мен: «Кимдир о РАББИ?» – айтарым да, Сенден ред этерим, я да фукъарелешип, хырсызлыкъкъа урулырым ве Алламнынъ Адыны лекелерим.

Зебур 49:19

Агъзынъны яман сёзлер ичюн ачасынъ, тилинънен де фитнелер къурасынъ.

1 Падишалар 2:5

Токъ олгъанлар отьмек ичюн чалыша, ач олгъанлар исе раатлана. Баласыз къадын еди бала тапа, баласы чокъ олгъан къадын исе баласыз къала.

Лука 6:24

Лякин зенгинлер, алынъыз беля! Сиз энди теселли таптынъыз!

Лука 6:26

Сизни эписи адамлар макътаса, алынъыз беля! Бу адамларнынъ бабалары ялан пейгъамберлерни де бойле макътагъанлар!