Лука 20:24 - Мукъаддес Китап

²⁴ – Манъа бир динар косьтеринъиз! Бу акъчадаки ресим ве язув кимнинъки? – деди. – Императорнынъ, – деп джевап берди олар.

Лука 20:24 Referans Kwoze

Матта 18:28

Хызметчи исе кетип, озюне юз динар борджу олгъан бир аркъадашыны тапты ве онынъ богъазына япышып: «Менден алгъан борджунъны къайтар!» – деп богъып башлады.

Филиплердекилерге 4:22

Алланынъ бутюн азизлери ве айрыджа императорнынъ сарайында хызмет эткенлер селям ёллайлар.

Фаалиет 26:32

Агриппа да Фестке: – Эгер бу адам императорнынъ укюмини талап этмеген олса, оны азат этмек мумкюн олур эди, – деди.

Фаалиет 11:28

Олардан Хагъап дегени Мукъаддес Рухтан ильхамланып, бутюн дюньяда буюк ачлыкъ оладжагъыны бильдирди. Сонъ бу ачлыкъ император Клавдийнинъ девринде олды.

Лука 23:2

Оны къабаатламагъа башлап: – Бу Адам халкъымызны ёлдан ура. Озюни Месих Падиша деп, императоргъа салым тёлемекке кедер эте, – дедилер.

Лука 20:22

Императоргъа салым бермек Къанун боюнджа бизге мумкюнми я мумкюн дегильми? – деп сорадылар.

Лука 3:1

‌Император Тиберийнинъ падишалыгъынынъ он бешинджи йылында, Понтий Пилат – Еудиеде акимлик япкъанда, Ирод – Галилеяда, онынъ къардашы Филип – Итурея ве Трахонит виляетлеринде, Лисаний – Авиленеде укюмдарлыкъ эте эдилер.

Лука 2:1

‌О вакъыт Римнинъ императоры Август бутюн эалини джедвельге чекмеге эмир этти.

Матта 20:2

О ыргъатларнен кунюне бир динар бермеге келишип, оларны озюнинъ юзюм багъына йиберди.

Матта 22:20

– Бу ресим ве язылар кимнинъки? – деп сорады Иса.

Лука 20:23

Иса оларнынъ хиянетлигини корип:

Лука 20:25

Иса: – Ойле олса, императорнынъ акъкъыны императоргъа, Алланынъ акъкъыны Аллагъа беринъиз, – деди.

Марк 12:16

Олар алып кельдилер. Иса: – Бу ресим ве язылар кимнинъки? – деп сорады. – Императорнынъ, – деди олар.