Лука 12:7 - Мукъаддес Китап

⁷ Сизинъ башынъыздаки сачларынъыз биле эписи сайылгъан. Къоркъманъыз! Сиз чокъ торгъайдан къыйметлисиз!

Лука 12:7 Referans Kwoze

Матта 6:26

Кокте учкъан къушларгъа бакъынъыз: олар не сачалар, не оралар, не анбаргъа ашлыкъ джыялар. Амма оларнынъ ашыны Коктеки Бабанъыз бере. Сиз исе олардан не къадар къыйметлисиз.

Лука 21:18

Амма башынъыздан бир дане сач биле гъайып олмайджакъ.

2 Падишалар 14:11

Къадын: – Падишам, Алланъ олгъан РАББИнинъ Адынен ант эт, къан ичюн къан аладжакъ адамлар чокълашмасын ве огълумны ёкъ этмесинлер, – деди. Падиша: – РАББИнен ант этем! Огълунънынъ башындан бир сач биле тюшмез, – деди.

1 Падишалар 14:45

Лякин халкъ Шаулгъа: – Исраильге бойле буюк къуртулыш кетирген Ёнатан не ичюн оледжек? Олмайджакъ шей! Тири Алланен ант этемиз: онынъ башындан бир сач биле тюшмейджек, чюнки о, Алланынъ ярдымынен иш тутты, – деди. Шу куню халкъ Ёнатанны къорчалады, ве о ольмеди.

Фаалиет 27:34

Шунынъ ичюн риджа этем, аш ашанъыз; бу къуртуладжагъынъыз ичюн керектир. Сизлерден ич кимсенинъ башындан бир сач биле тюшмейджек, – деди.

Зебур 8:6

Сен инсаннынъ эмиетини мелеклерден бираз уфакъча яптынъ, шурет ве урьмет таджыны онъа бердинъ.

Матта 12:12

– Инсан исе къойдан не къадар чокъ къыйметлидир! Шунынъ ичюн, Къанун боюнджа раатлыкъ кунюнде яхшылыкъ япмагъа мумкюн.

Эюп акъкъында китап 35:11

О, бизни ер юзюндеки айванлардан чокъ огрете, коктеки къушлардан зияде бизге акъыл бере».