Лука 12:14 - Мукъаддес Китап

¹⁴ Иса онъа джевап берип: – Акъай, Мени сизге къады олмакъ я да даваларынъызны чезмек ичюн ким къойды? – деди.

Лука 12:14 Referans Kwoze

Римлилерге 2:3

Бойле ишлерни суд этип, оларны озюнъ япсанъ, Алланынъ укюминден къуртулып оладжакъсынъмы, эй, адам?

Римлилерге 9:20

Эй, адам, сен кимсинъ? Аллагъа сёз къайтарырсынъмы? Чёльмек чёльмекчиге: «Мени не ичюн бойле ясадынъ?» – дерми?

Римлилерге 2:1

Шунынъ ичюн, эгер сен башкъаларны суд этсенъ, ким олсанъ ол, озюнъни акъламакъ ичюн ич бир джевап берип оламайджакъсынъ. Башкъа адамны суд эткенде, сен укюм джезасыны озюнъе бересинъ. Башкъасыны суд этип, озюнъ де суд этильген ишлерни япасынъ!

Чыкъыш 2:14

О исе: – Сени бизге башлыкъ ве къады этип ким къойды? Мысырлыны ольдюргенинъ дайын, мени де ольдюрмеге истейсинъми? – деди. Муса къоркъты ве озь-озюне: «Керчектен, бу ишим ачылды», – деди.

Юхан 8:11

– Ич кимсе, эфендим! – деп джевап берди къадын. – Мен де сени къабаатламайым, – деди Иса. – Бар да, бундан сонъ даа гуна япма.

Юхан 6:15

Иса исе, адамлар келип, Оны тутмагъа ве падиша япмагъа истегенлерини билип, кене бир Озю дагъгъа котерильди.

Лука 5:20

Иса оларнынъ иманыны корип: – Акъай, гуналарынъ багъышланды! – деди.

Микъа 6:8

Эй, инсан! Эйилик не олгъаны санъа бильдирильди, РАББИ сенден не истегени де хабер этильди: адалетли арекет этмек, мераметни севмек ве Алланънынъ огюнде юваш юрекнен яшамакъ.

Лука 22:58

Бираздан сонъ башкъа бир адам Пётрны корип: – Сен де олардан бириси оласынъ! – деди. Пётр онъа да: – Адам, мен олардан бириси дегилим! – деди.

Лука 12:13

Адамларнынъ ичинден кимдир Исагъа: – Оджам, агъама айт, мирасны меннен больсюн, – деди.