Левийлилер 7:6 - Мукъаддес Китап

⁶ Руханийлер несилининъ эписи акъайлары буны ашамагъа мумкюнлер. Оны азиз ерде ашамакъ керек. Бу – улу азизликтир.

Левийлилер 7:6 Referans Kwoze

Левийлилер 6:29

Руханийлернинъ эписи акъайлары буны ашамагъа мумкюнлер, бу – улу азизликтир.

Левийлилер 2:3

Ашлыкъ бахшышындан къалгъаны Харунгъа ве огъулларына олсун: бу – атеште якъыладжакъ РАББИнинъ бахшышларындан улу азизликтир.

1 Коринтлилерге 9:13

Алланынъ Сарайында хызмет эткен руханийлер андан аш алып ашагъанларыны бильмейсинъизми? Къурбан еринде хызмет эткенлер къурбанлардан бир пайыны алгъанларыны бильмейсинъизми?

1 Коринтлилерге 10:18

Исраиль халкъына бакъынъыз: къурбанлыкъ этини ашагъан адамлар къурбан еринен бирлешелер.

Левийлилер 7:5

Руханий бунынъ эписини къурбан еринде РАББИге атеште якъыладжакъ къурбан оларакъ якъсын. Бу – къабаат ичюн къурбандыр.

Ехезкель 42:13

Адам манъа шойле деди: – Сарайнынъ азбарына чыкъкъан шимальдеки ве дженюптеки одалар – азиз одалардыр. Анда РАББИнинъ огюнде хызмет эткен руханийлер энъ азиз олгъан къурбанларны ве бахшышларны ашайлар. Олар анда да къурбанларнынъ энъ азизини, ашлыкъ бахшышларыны, гуналар ве къабаатлар ичюн кетирильген къурбанларны къоялар. Бу ер азиздир.

Хагъгъай 2:12

«Эгер бир адам урбасынынъ этегинде Аллагъа багъышлангъан къурбан этини кетиреяткъанда, урбасынынъ этегинен отьмекке я да башкъа бир пишкен шейге, я да шарапкъа, я да зейтюн ягъына я да башкъа ашкъа тийсе, шу шей Аллагъа багъышлангъан шей киби олурмы?» – Ёкъ, – деди руханийлер.

Левийлилер 6:11

Сонъ устюндеки урбаларыны чыкъарсын ве башкъа урба кийсин, сонъ кульни ордудан тыш, темиз ерге алып кетирсин.

Левийлилер 21:22

Азизликлерден ве энъ буюк азизликлерден олгъан Алланынъ къурбанлыкъ ашыны о, ашамакъ мумкюн.