Левийлилер 7:21 - Мукъаддес Китап

²¹ Эгер насылдыр адам бир арам шейге токъунса: адамнынъ арамлыгъына, арам айвангъа, насылдыр арам махлюкъкъа тийсе ве РАББИнинъ аманлыкъ къурбанындан этни ашаса, о джан халкъындан ёкъ этильмек керек.

Левийлилер 7:21 Referans Kwoze

Ехезкель 4:14

О заман мен: – Я РАББИ-ТААЛЯ! Мен ич бир вакъыт арам шей ашамадым, арамланмадым! Олю айваннынъ я да йыртыджы айван ольдюрген айваннынъ этини мен яшлыгъымдан ич бир вакъыт бугуньгедже ашамадым. Арам олгъан эт агъзыма кирмеди! – дедим.

Левийлилер 12:1

РАББИ Мусагъа бойле деди:

Левийлилер 11:20

Къанатлары олгъан, лякин ерге дёрт аягъынен баскъан боджеклернинъ эписи сиз ичюн арамдыр.

Къануннынъ текрары 14:10

Пулларынен ялдавучлары олмагъан сойларыны исе ашаманъыз – олар сиз ичюн арамдыр.

Къануннынъ текрары 14:3

Бир тюрлю пис шейни ашаманъыз.

Левийлилер 22:4

Харуннынъ эвлятларындан бир адамнынъ тери хасталыгъы, я да акъувы олса, о, эляллангъандже азиз къурбанлардан ашамасын. Олюге тийген ве арам олгъан шейге токъунгъан адам, урлугъы акъкъан адам,

Левийлилер 18:29

Бойле пис шейлерни япкъан адамларнынъ джанлары халкъ арасындан ёкъ этиледжеклер.

Левийлилер 17:14

Онынъ къаны – эр бир теннинъ джаныдыр. Къандыр онынъ джаны. Шунынъ ичюн Мен Исраиль огъулларына бойле дейим: ич бир тенден къан ашаманъыз. Онынъ къаны – эр бир теннинъ джаныдыр. Оны ашагъан эр кес ёкъ этильсин.

Левийлилер 17:10

Эгер Исраиль халкъындан я да араларында яшагъан кельмешеклерден бирев насылдыр къан ашаса, Мен къан ашагъан адамнынъ къаршысына чыкъаджагъым ве оны халкъ арасындан ёкъ этеджегим.

Левийлилер 7:27

Эгер бир адам насылдыр къанны ашаса, о джан халкъындан ёкъ этильмек керек.

Левийлилер 7:25

Эгер бир адам РАББИге атеште якъыладжакъ къурбан оларакъ айванларнынъ ягъыны ашаса, о джан халкъындан ёкъ этилир.

Левийлилер 7:20

Эгер насылдыр адам, устюнде арамлыгъы олып, РАББИнинъ аманлыкъ къурбанынынъ этини ашаса, о джан халкъындан ёкъ этильмек керек.

Чыкъыш 12:19

Эвлеринъизде еди кунь мая олмамакъ керек. Ким минген хамырдан пишкен пите ашаса, о джан, кельмешекми я да исраиллими олсун, Исраиль джемаатындан айырыладжакътыр.

Чыкъыш 12:15

Еди кунь маясыз пишкен пите ашанъыз. Энъ биринджи кунюнден башлап, эвлеринъизден маяны ёкъ этинъиз. Ким биринджи куньден башлап, единджи куньгедже минген хамырдан пишкен пите ашаса, о джан Исраиль халкъындан айырылыр.

Башланув 17:14

Сюннет этильмеген эр киши, тери парчасыны кесип сюннет этмеген адамнынъ джаны озь халкъындан айырылсын. О, васиетимни бозды.

Левийлилер 7:22

РАББИ Мусагъа бойле деди:

Левийлилер 22:3

Бутюн келеджек несиллеринъизде эр бир эвлядынъыз Исраиль огъулларынынъ РАББИге багъышлагъан азиз къурбанларына якъынлашса, озю исе арам олса, Мен оны корьмейим деп, оны ёкъ этмек керек. Мен – РАББИм.

Сайылар 19:22

Арам олгъан адам токъунгъан эр шей арам оладжакъ. Токъунгъан адам акъшамгъа къадар арам оладжакъ.

1 Падишалар 20:26

Шаул шу куню бир шей айтмады, бельки, бир шей олгъан, бельки, Давут элялланмагъан, деп тюшюнди.

Левийлилер 19:8

Оны ашагъан адам гуна къазаныр, чюнки о, РАББИнинъ азизлигини, адий шейни киби, бакъты. Шу адам халкънынъ арасындан ёкъ этильсин.

Левийлилер 20:3

Шу адам озь баласыны Молек путуна багъышлагъаны ве бойле этип, Меним Азиз Еримни арамлагъаны ве Меним азиз Адымны яманлагъаны ичюн, Мен о адамгъа къаршы чыкъаджагъым ве оны халкъ арасындан ёкъ этеджегим.

Левийлилер 23:29

О куню алчакъгонъюлли олмагъан, ашагъан ве ичкен адам халкънынъ арасындан ёкъ этильсин.

Ехезкель 33:25

Шунынъ ичюн оларгъа бойле айт: «РАББИ-ТААЛЯ шойле дей: Сизлер этни къанынен берабер ашайсыз, путларгъа ибадет этесиз ве къан тёкесиз. Ве шу топракънынъ сабылары олмагъа истейсизми?