Левийлилер 6:20 - Мукъаддес Китап

²⁰ – Мына Харуннынъ ве огъулларынынъ къурбаны. Руханийлик вазифесине ягънен сюртюльген куню олар оны РАББИге кетирсинлер. Вакъыттаки ашлыкъ бахшышы оларакъ олар бир чанакъ энъ яхшы богъдай унуны – ярысыны саба, ярысыны акъшам – кетирсинлер.

Левийлилер 6:20 Referans Kwoze

Чыкъыш 29:2

маясыз пишкен пителер, ягънен басылгъан маясыз пителер, пишкен сонъ устьлерине ягъ сюртюльген маясыз пителерни ал. Оларны энъ яхшы богъдай унундан пишир.

Чыкъыш 16:36

Омер – эфанынъ он пайда бир пайыдыр.

Еудийлерге 7:27

Башкъа баш руханийлер эр кунь башта озь гуналары ичюн, сонъ халкънынъ гуналары ичюн къурбан кетире эди. Исагъа исе буны япмагъа керекмей, чюнки О, адамларнынъ гуналары ичюн къурбан оларакъ Озюни кетирди.

Еудийлерге 5:1

Эр бир баш руханий адамларнынъ арасындан сайланып алына, адамларнынъ адындан Аллагъа хызмет эте, гуналар ичюн Аллагъа бахшышлар ве къурбанларны кетире.

Сайылар 28:10

Эр вакъыттаки бутюнлей якъыладжакъ къурбандан ве тёкюледжек бахшыштан гъайры, эр раатлыкъ куню бойле бутюнлей якъыладжакъ къурбанны кетиринъиз.

Сайылар 28:3

Оларгъа айт: Атеште якъыладжакъ бахшыш оларакъ РАББИге шуны кетиринъиз: эки баш бир йыллыкъ къусурсыз къочкъарны. Оларны эр вакъыт бутюнлей якъыладжакъ къурбан оларакъ кетиринъиз.

Левийлилер 5:11

Эгер адам эки кийик гогерджинни я да эки гогерджин баласыны алып кетирип оламаса, гунасы ичюн къурбан оларакъ энъ яхшы богъдай унунен толу чанакъ кетирсин. Уннынъ устюне зейтюн ягъыны къоймасын, темиз къокъулы майны да тёкмесин, чюнки бу – гуна ичюн къурбандыр.

Левийлилер 5:1

Бир адам джинаетнинъ шааты олгъанда, оны корьгенде я да онынъ акъкъында бильгенде, шаатлыкъ этмеге къаргъышнен чагъырувны эшитсе, лякин ич бир шейни бильдирмесе, озь башына къабаат къазаныр.

Левийлилер 6:19

РАББИ Мусагъа бойле деди:

Левийлилер 23:13

Къозунен берабер ашлыкъ бахшышы оларакъ зейтюн ягъынен къарыштырылгъан эки чанакъ энъ яхшы богъдай унуны кетиринъиз. О, РАББИ ичюн атеште якъыладжакъ къурбан, хош къокъу олсун. Шу бахшышнен берабер ичимлик бахшышы оларакъ ярым чанакъ шарап кетиринъиз.

Сайылар 4:16

Руханий Харуннынъ огълу Элазар къандиль ичюн зейтюн ягъы, якъыладжакъ къокъулы отлар, эр вакъыттаки ашлыкъ бахшышлары ве ягъламакъ ичюн зейтюн ягъы, бутюн Мескен, бутюн ичиндеки шейлер ве бутюн шейлеринен берабер Мукъаддес Ер ичюн джевапкяр олсун.

1 Тарих вакъиалары 23:29

Теклиф пителери, ашлыкъ бахшышлары ичюн ун, маясыз пителер, таваларда пишкен ашлар, чешит ашайт малларны къарыштырув, эр тюрлю ольчюлер ичюн олар джевапкяр эдилер.

Левийлилер 6:11

Сонъ устюндеки урбаларыны чыкъарсын ве башкъа урба кийсин, сонъ кульни ордудан тыш, темиз ерге алып кетирсин.