Левийлилер 6:12 - Мукъаддес Китап

¹² Къурбан ериндеки атеш исе янсын ве сёнмесин. Руханий эр саба онынъ устюнде одун якъсын ве онынъ устюне бутюнлей якъыладжакъ къурбанларны къойсун, аманлыкъ къурбанынынъ ягъыны да анда якъсын.

Левийлилер 6:12 Referans Kwoze

Левийлилер 9:24

РАББИнинъ огюнден атеш чыкъты ве къурбан ерининъ устюндеки бутюнлей якъыладжакъ къурбанны ве ич ягъларыны бутюнлей якъты. Бутюн халкъ буны корьди. Эписи къуванчтан къычырдылар ве ерге бетлеринен тийдилер.

Нехемья 13:31

Даа мен вакъты-саатинде одунларны кетирмеге ве биринджи махсулларны бермеге буюрдым. Аллам! Мени унутма, манъа эйилик яп!

Еудийлерге 10:27

Бизге тек къоркъунчлы дуйгъунен джезаны беклемеге ве Алланынъ душманларыны куйдюреджек къызгъын атешнен якъылмагъа къалыр.

Левийлилер 6:9

– Харунгъа ве онынъ огъулларына бойле эмир эт: Мына бутюнлей якъыладжакъ къурбан акъкъында къанун. Бутюнлей якъыладжакъ къурбан якъылгъан ерде, къурбан ерининъ устюнде бутюн гедже сабагъадже къалсын, къурбан ерининъ атеши де сёнмесин.

Левийлилер 6:11

Сонъ устюндеки урбаларыны чыкъарсын ве башкъа урба кийсин, сонъ кульни ордудан тыш, темиз ерге алып кетирсин.

Левийлилер 6:13

Къурбан ерининъ устюндеки атеш сёнмейип даима янмакъ керек.

Ехезкель 40:46

Шимальге бакъкъан ода исе къурбан еринде хызмет эткен руханийлер ичюндир. Бу руханийлер – Цадокънынъ эвлятларыдыр. Левий союндан тек олар РАББИге хызмет этмек ичюн, Онъа якъынлашмакъ мумкюн эди.