Левийлилер 4:3 - Мукъаддес Китап

³ я да ягънен сюртюльген руханий гуна къазанып, халкъны къабаатлы эткенде, о заман япкъан гунасы ичюн яш къусурсыз бузавны гуна ичюн къурбан оларакъ РАББИге кетирсин.

Левийлилер 4:3 Referans Kwoze

2 Коринтлилерге 5:21

Месихнинъ ярдымынен Алланынъ огюнде инсафлы сайылайыкъ деп, Алла гуна бильмеген Месихни гуналарымыз ичюн къурбан оларакъ кетирди.

Левийлилер 9:2

Харунгъа бойле деди: – Бугъалардан озюнъе гуна ичюн къурбан оларакъ бир бузавны ве бутюнлей якъыладжакъ къурбан оларакъ бир къочкъарны ал. Оларнынъ экиси де къусурсыз олсун. Оларны РАББИнинъ огюне алып кетир.

Левийлилер 4:14

оларнынъ япкъан гуналары ачылгъан вакъытта олар бутюн джемаат адындан яш бузавны гуна ичюн къурбан оларакъ кетирсинлер де, оны Корюшюв Чадыры огюне къойсунлар.

Еудийлерге 5:3

Шу себептен халкънынъ гуналары ичюн киби, озь гуналары ичюн де къурбанны кетирмек керек.

Узеир 8:35

Бундан сонъ эсирден къайтып кельгенлер Исраильнинъ Алласына, бутюн Исраиль ичюн, бутюнлей якъыладжакъ къурбан оларакъ – 12 бугъа, 96 къочкъар ве 77 къозу, ве гуна ичюн къурбан оларакъ – 12 теке алып кетирдилер. Буларнынъ эписи РАББИге бутюнлей якъыладжакъ къурбан олды.

Римлилерге 8:3

Къанун, адамларнынъ кучьсюзлигинден кучьсюз олды. Шунынъ ичюн Алла Озь Огълуны ёллады, Оны гунакяр адамгъа ошатып, гуна ичюн къурбан этти ве бедендеки гунаны ёкъ этти.

Ехезкель 43:19

Меним огюмде хызмет этеджек Цадокъ союндан левийли руханийлерге, гуна ичюн къурбан оларакъ, бир яш бузавны бер, – дей РАББИ-ТААЛЯ.

Чыкъыш 29:21

Сонъ къурбан ерининъ устюндеки къаннен берабер бир шей ягъламакъ ичюн ягъны ал да, оны Харуннынъ устюне ве онынъ урбаларына, огъулларынынъ устюне ве оларнынъ урбаларына пускюрт. Бойле эттирип, сен Харунны ве онынъ урбаларыны, онен берабер огъулларыны ве оларнынъ урбаларыны айырып азиз этерсинъ.

Чыкъыш 29:14

Тананынъ этини, терисини ве ич алетлеринен ичеклерини алып, ордудан тыш олгъан ерде якъ. Бу – гуна ичюн къурбан.

Чыкъыш 29:7

Бир шей сюртмек ичюн ягъны ал да, онынъ башына тёкип, ягъла.

Сайылар 8:8

Сонъ олар бир бузавны ве онен берабер ашлыкъ бахшышыны – зейтюн ягъынен къарыштырылгъан энъ яхшы богъдай унуны – алсынлар. Гуналар ичюн къурбан оларакъ башкъа бир бузавны ал.

Левийлилер 16:11

Харун озь гунасы ичюн къурбан оларакъ бузавны кетирсин, онынъ ве онынъ эви ичюн одеме этсин ве гунасы ичюн къурбан бузавны чалсын.

Левийлилер 16:6

Харун озь гунасы ичюн къурбан оларакъ бир бузавны кетирсин ве бойле этип, озю ве къорантасы ичюн одеме этсин.

Левийлилер 8:12

Сонъ бираз ягълав ягъыны Харуннынъ башына тёкти ве бойле этип, оны ягълады ве эляллады.

Левийлилер 5:6

ве озь къабааты ичюн РАББИге къой-эчкилер сюрюсинден къозуны я да улакъны къабаат ичюн къурбан оларакъ алып кетирмек керек. Сонъ руханий онынъ гунасы ичюн одеме этер.

Чыкъыш 30:10

Йылда бир кере Харун гуна багъышлав къурбаныны чалып, къанны отларны якъмакъ ерининъ бойнузларына сюртип, оны айырып азиз этсин. Бу – несильден несильге эр йыл оладжакъ арынувдыр. Бу ер – РАББИнинъ улу азизлигидир.

Еудийлерге 9:12

О, текелернинъ я да таналарнынъ къанынен дегиль, Азиз Ерге бир кере Озь къанынен кирди ве адамларгъа эбедий къуртарувны къазанды.

Левийлилер 4:5

Сонъ ягънен сюртюльген руханий бузавнынъ бираз къаныны алып, Корюшюв Чадырына алып кирсин.

Левийлилер 4:23

гунасы онъа ачылгъан вакъытта, къурбан оларакъ къусурсыз текени кетирсин,

Левийлилер 4:28

гунасы онъа ачылгъан вакъытта, япкъан гунасы ичюн къурбан оларакъ къусурсыз эчкини кетирсин,

Сайылар 16:22

Олар бетлеринен ерге тюшип, бойле ялвардылар: – Алла, эр джанлы шейге рухуны берген Алла! Бир адам гуна къазанды, Сен исе бутюн джемааткъа къаршы ачувланасынъмы?

2 Тарих вакъиалары 29:21

Гуналар ичюн къурбан чалмагъа падишалыкъ, Мукъаддес Ер ве Ехуда огъруна еди баш бугъа, еди баш къочкъар, еди баш къозу ве еди баш текени алып кетирдилер. Сонъ о, Харун огъуллары руханийлерге РАББИнинъ къурбан ерине бутюнлей якъыладжакъ къурбанларны кетирмеге буюрды.

Левийлилер 1:3

Эгер адамнынъ бутюнлей якъыладжакъ къурбаны туварлардан олса, эр бир адам къурбан оларакъ къусурсыз эркек айванны кетирсин. РАББИнинъ разылыгъыны къазанмакъ ичюн, айванны Корюшюв Чадырынынъ киришине кетирип,

Левийлилер 1:10

Эгер адамнынъ къурбаны уфакъ айванлардан олса, о, къойлардан я да эчкилерден олсун. Бутюнлей якъыладжакъ къурбан къусурсыз эркек айван олмакъ керек.

Левийлилер 6:18

Харун несилинден олгъан эписи акъайларнынъ буны ашамагъа акъкъы бар. Бу – РАББИнинъ атеште якъыладжакъ къурбанларындан сизинъ несиллеринъизге эбедий низамнамедир. Онъа эр бир тийген шей азиз олур.

Левийлилер 9:3

Исраиль огъулларына буюр, олар гуна ичюн къурбан оларакъ бир йыллыкъ эчкини, эм де бутюнлей якъыладжакъ къурбан оларакъ бир йыллыкъ бузавны ве къойны алсынлар. Айванлар къусурсыз олмакъ керек.

Левийлилер 16:3

Харун Энъ Мукъаддес Ерге гуна ичюн къурбан яш бузавынен ве бутюнлей якъыладжакъ къурбанлыкъ къочкъарынен кирсин.

Левийлилер 16:5

О, Исраиль огъулларынынъ джемаатындан гуна ичюн къурбан оларакъ эки текени ве бутюнлей якъыладжакъ къурбан оларакъ бир къочкъарны алсын.

Ехезкель 40:39

Къапу янындаки аятнынъ эки тарафында экишер маса бар эди. Масаларда бутюнлей якъыладжакъ къурбанларны, гуналар ичюн къурбанларны ве къабаатлар ичюн кетирильген къурбанларны соя эдилер.

Ехезкель 44:27

Бундан сонъ, ички азбаргъа, Мукъаддес Ерге хызмет этмек ичюн, киргенде, гунасыны ювмакъ ичюн, къурбан кетирсин, – дей РАББИ-ТААЛЯ.