Левийлилер 3:12 - Мукъаддес Китап

¹² Бир эчкини къурбан оларакъ кетиргенде, оны РАББИнинъ огюне кетирсин,

Левийлилер 3:12 Referans Kwoze

2 Коринтлилерге 5:21

Месихнинъ ярдымынен Алланынъ огюнде инсафлы сайылайыкъ деп, Алла гуна бильмеген Месихни гуналарымыз ичюн къурбан оларакъ кетирди.

Римлилерге 8:3

Къанун, адамларнынъ кучьсюзлигинден кучьсюз олды. Шунынъ ичюн Алла Озь Огълуны ёллады, Оны гунакяр адамгъа ошатып, гуна ичюн къурбан этти ве бедендеки гунаны ёкъ этти.

Ешая 53:6

Эпимиз, къойлар киби, долаштыкъ, эпимиз озь ёлумызнен кеттик, ве РАББИ бизим эписи гуналарымызны Онъа юкледи.

Ешая 53:2

О, РАББИнинъ огюнде бир фидан киби, къуру топракътан бир филис киби чыкъты. О, не дюльбер, не де улу эди. Бизлер Оны корьдик, ве корюниши бизни меракъландырмай эди.

Левийлилер 10:16

Муса гуна ичюн къурбан оларакъ кетиреледжек текени къыдырып башлады, лякин теке энди якъылгъан эди. Муса Харуннынъ къалгъан огъулларына Элазаргъа ве Итамаргъа пек ачувланды.

Левийлилер 9:15

Бундан сонъ Харун халкънынъ адына къурбанны алып кетирди. Халкънынъ адына гуна ичюн къурбан текени алып чалды ве, биринджи къурбанны киби, оны да гуна ичюн къурбан оларакъ кетирди.

Левийлилер 9:3

Исраиль огъулларына буюр, олар гуна ичюн къурбан оларакъ бир йыллыкъ эчкини, эм де бутюнлей якъыладжакъ къурбан оларакъ бир йыллыкъ бузавны ве къойны алсынлар. Айванлар къусурсыз олмакъ керек.

Левийлилер 3:1

Бир адам тувардан аманлыкъ къурбаныны кетиргенде, РАББИнинъ огюне къусурсыз эркек я да ыргъачы айванны кетирсин.

Левийлилер 1:10

Эгер адамнынъ къурбаны уфакъ айванлардан олса, о, къойлардан я да эчкилерден олсун. Бутюнлей якъыладжакъ къурбан къусурсыз эркек айван олмакъ керек.

Левийлилер 1:6

Адам бутюнлей якъыладжакъ къурбаннынъ терисини сыдырсын ве къурбанны парчаласын.

Левийлилер 1:2

– Исраиль огъулларына бойле айт: Аранъыздан биринъиз РАББИге айванларынъыздан къурбан чалгъанда, тувардан я да къой-эчкилерден къурбан чалынъыз.

Сайылар 15:6

Бир къочкъарны кетиргенде, ашлыкъ бахшышы оларакъ чанакънынъ учьте экиси зейтюн ягъынен къарыштырылгъан эки чанакъ энъ яхшы богъдай унуны кетир.