Левийлилер 27:8 - Мукъаддес Китап

⁸ Лякин бир адам адакъ парасыны берип оламаса, адамны руханийге алып барсынлар, ве руханий адакъ берген адамнынъ алына коре адамнынъ фиятыны кессин.

Левийлилер 27:8 Referans Kwoze

Марк 14:7

Фукъарелер эр вакъыт сизлернен оладжакълар. Истегенде, оларгъа яхшылыкъ эте билесиз. Лякин Мен эр вакъыт сизлернен олмайджам.

2 Коринтлилерге 8:12

Эгер керчектен ярдым этмеге истесенъиз, бахшышы къабул этильсин деп, эр бир адам озь бахшышыны къолунда олгъанына коре берсин.

Йирмея 5:7

– Насыл этип, санъа буны багъышлайым? Огъулларынъ Менден вазгечтилер, алла олмагъанларынен ант этип башлады. Мен оларны тойдура эдим, олар исе ороспулана, топ-топ ороспуларнынъ эвлерине бара эди.

Левийлилер 12:8

Эгер бу къадын къойны кетирип оламаса, эки кийик гогерджинни я да эки гогерджин баласыны кетирсин. Биринджиси – бутюнлей якъыладжакъ къурбан, экинджиси – гуна ичюн къурбан олсун. Руханий онынъ ичюн одеме этсин, ве къадын темиз оладжакъ.

Левийлилер 5:11

Эгер адам эки кийик гогерджинни я да эки гогерджин баласыны алып кетирип оламаса, гунасы ичюн къурбан оларакъ энъ яхшы богъдай унунен толу чанакъ кетирсин. Уннынъ устюне зейтюн ягъыны къоймасын, темиз къокъулы майны да тёкмесин, чюнки бу – гуна ичюн къурбандыр.

Левийлилер 5:7

Эгер къозуны кетирип оламаса, озь къабааты ичюн эки кийик гогерджин я да эки гогерджин баласыны алып РАББИге кетирсин. Биринджиси – гуна ичюн къурбан, экинджиси – бутюнлей якъыладжакъ къурбан олсун.

Левийлилер 27:7

Алтмыш я да даа буюк яшта олгъан акъайнынъ фияты 15 кумюш, къадыннынъ фияты он кумюш олсун.

Левийлилер 27:9

Берильген адакъ РАББИге къурбанлыкъкъа келишкен айван олса, РАББИге берильген эр шей азиз олсун.

4 Падишалар 7:5

Сонъ акъшам тюшеяткъанда, арамлыларнынъ ордусына кетмек ичюн турдылар. Амма арамлыларнынъ ордусы ерлешкен ерге якъынлашып, анда бир кимсени корьмедилер.