Левийлилер 26:8 - Мукъаддес Китап

⁸ Сизинъ бешинъиз юз адамны, юзюнъиз – он бинъ адамны къуваджакълар, ве душманларынъыз огюнъизде къылычнен ольдюриледжеклер.

Левийлилер 26:8 Referans Kwoze

Нун огълу Ехошуа 23:10

Сизден бир даненъиз оларнынъ бинъ адамыны къувалай, чюнки Алланъыз олгъан РАББИ сизге сёз бергени дайын, О, Озю сиз ичюн дженк эте.

Къануннынъ текрары 28:7

Санъа къаршы чыкъаджакъ эписи душманларынъны РАББИ сенинъ козюнъ огюнде ураджакъ. Олар санъа бир ёлнен келип уджюм этселер, сенден еди ёлнен къачарлар.

Къануннынъ текрары 32:30

Эгер оларнынъ Къаясы оларны сатмагъан олса, РАББИ оларны душманларынынъ къолуна бермеген олса, бир адам бинъ адамны къувалап олур эдими? Эки адам он бинъ адамны къувып олур эдими?

1 Тарих вакъиалары 11:20

Ёавнынъ къардашы Авишай Учь Къараманнынъ башлыгъы эди. Бир кунь о, мызрагъынен 300 адам ольдюрди. О, Учь Къараман киби, буюк нам къазанды.

Сайылар 14:9

Ялынъыз РАББИге къаршы чыкъманъыз ве шу топракънынъ халкъындан къоркъманъыз. Олар биз ичюн аш оладжакъ. Оларны къорчалайджакъ кимсе ёкъ. Бизнен исе РАББИ. Олардан къоркъманъыз! – дедилер.

1 Тарих вакъиалары 11:11

Булар да Давутнынъ къараман аскерлери: Хакъмонийнинъ огълу Яшовеам, Отуз Аскернинъ башлыгъы. О, мызрагъыны котерип, учь юз адамны бир кереден ольдюрди.

Левийлилер 26:7

Душманларынъызны къувалайджакъсынъыз, ве олар огюнъизде къылычнен ольдюриледжеклер.

Къадылар 15:15

Шимшон эшекнинъ даа къурумагъан ченге кемигини тапты. Къолуны узатып, оны алды ве бинъ дане фелестинлини урып ольдюрди.

Эстер 9:16

Падишанынъ башкъа виляетлеринде яшагъан башкъа ехудалылар топлаштылар, душманлардан къоркъмайып яшамакъ ичюн, яшайышларыны къорчаламагъа турдылар ве 75 000 душманны ольдюрдилер. Мал-мульклерине исе къолларыны узатмадылар.

Зекерья 12:8

О куню РАББИ Ерусалимде яшагъанларны къорчалайджакъ. О куню араларында энъ зайыф олгъан сою Давут киби оладжакъ, Давутнынъ сою исе оглеринде Алла киби, РАББИнинъ Мелеги киби оладжакъ.

Сайылар 31:4

Эр къабиледен бирер бинъ адам сайланъыз, исраиллилернинъ эр къабилесинден адамларны дженкке ёлланъыз.