Левийлилер 26:24 - Мукъаддес Китап

²⁴ Мен сизге къаршы ачувнен чыкъаджагъым ве япкъан гуналарынъыз ичюн Мен Озюм сизни еди кере джезалайджагъым.

Левийлилер 26:24 Referans Kwoze

2 Падишалар 22:27

Темиз адамнен – темизсинъ, яланджыгъа яланына коре бересинъ.

Ешая 63:10

Амма олар инат олып, Онынъ Мукъаддес Рухуны ынджыттылар, ве О, оларнынъ душманы олды, оларгъа къаршы дженк этти.

Эюп акъкъында китап 9:4

Онынъ акъылы буюк, кучю сонъсуздыр, Онъа къаршы ким чыкъты да, сагъ къалды?

Левийлилер 26:18

Бу сизинъ башынъызгъа кельген сонъ биле Мени динълемесенъиз, япкъан гуналарынъыз ичюн джезаны еди къат арттыраджагъым.

Левийлилер 26:21

Эгер булардан сонъ да Манъа къаршы чыкъмакъны девам этсенъиз, сёзюмни тутмагъа истемесенъиз, япкъан гуналарынъыз ичюн беляларынъызны еди къат арттыраджагъым.

Левийлилер 26:28

Мен афакъанланып, сизге къаршы чыкъаджагъым, япкъан гуналарынъыз ичюн Мен Озюм сизни еди кере джезалайджагъым.

Левийлилер 26:41

Булар ичюн Мен оларгъа къаршы чыкътым ве оларны душманларынынъ топракъларына кирсеттим. О заман оларнынъ сюннет этильмеген юреклери къатланаджакъ, ве олар озь къабаатлары ичюн толусынен тёлейджеклер.

Ехезкель 21:14

Сен исе, инсан огълу, пейгъамберлик эт, элинъни элинъе ур. Къылыч эки кере, учь кере урсун. Бу къылыч – кесмек ве ольдюрмек ичюн къылычтыр. Бу къылыч – буюк кесюв ичюндир, терен далгъан къылычтыр о.