Левийлилер 21:1 - Мукъаддес Китап

¹ РАББИ Мусагъа бойле деди: – Харуннынъ огъулларына, руханийлерге бойле айт: Халкъындан олгъан ич бири ольген адамгъа токъунмасын ве озьлерини арамламасын.

Левийлилер 21:1 Referans Kwoze

Ехезкель 44:25

Руханий олюнинъ янына якъынлашмасын, озюни арамламасын. Янъгъыз олю ана-бабасы олса, огълу я да къызы олса, къардашы я да эвленмеген къызкъардашы олса, онъа янына кельмек ве озюни арамламакъ мумкюн.

Сайылар 19:14

Мына чадырда ольген адам акъкъында къанун: чадыргъа кирген эр бир адам ве чадырда олгъан бутюн шей еди кунь арам оладжакъ.

Левийлилер 21:11

О, ич бир олюнинъ янына якъынлашмасын. Ольген ана-бабасына биле токъунмасын ве озюни арамламасын.

Левийлилер 19:28

Олюлер ичюн тенинъизде яра япманъыз, устюнъизге ине санчып бир тюрлю язы язманъыз. Мен – РАББИм.

Малакий 2:4

О вакъыт сиз билирсинъиз ки, левийлилерге берген васиетим турсун деп, Мен сизге бу эмирни бердим, – дей Ордуларнынъ РАББИси.

Малакий 2:1

– Шимди, руханийлер, бу эмир сиз ичюндир.

Хошеа 5:1

Эй, руханийлер, буны эшитинъиз! Эй, Исраиль халкъы, дикъкъатнен динъленъиз! Эй, падишанынъ эви, къулакъ асынъыз! Сизлер укюм этиледжексинъиз, чюнки сиз озь путларынъызнен Мицпа шеэринде халкъны къапкъангъа тюшюрдинъиз, Тавор дагъында къоюлгъан бир агъ киби олдынъыз.

Сайылар 19:16

Тарлада къылычнен ольдюрильген я да озь олюминен ольген бирине, адам кемигине я да къабирге эр токъунгъан адам еди кунь арам оладжакъ.

Сайылар 5:2

– Исраиль огъулларына буюр, тери хасталыгъына огърагъан, къан ве ирин акъувы олгъанлар я да олю адамгъа токъунып арамлангъан эр кесни ордудан тыш чыкъарсынлар.

Сайылар 6:6

РАББИ ичюн назарей олмакънынъ бутюн вакътында о, олю беденге якъынлашмасын.

Сайылар 19:11

Насылдыр адамнынъ олюсине токъунгъан эр адам еди кунь арам оладжакъ.