Левийлилер 2:14 - Мукъаддес Китап

¹⁴ Ашлыкъ бахшышлары оларакъ биринджи махсулларны РАББИге кетиргенде, атеште къурутылгъан биринджи тазе башакъларынъдан чекильген богъдай данелерини кетир.

Левийлилер 2:14 Referans Kwoze

Левийлилер 23:10

– Исраиль огъулларына бойле айт: Мен сизге береджек топракъкъа кельгенинъизден сонъ, берекет джыйгъанда, берекетинъизнинъ биринджи культесини руханийге беринъиз.

Сырларнынъ ачылувы 14:4

Олар къадынларнен ятмагъан, темиз-пак адамлардыр. Къозу къайда барса, олар Онынъ артындан кете эдилер. Аллагъа ве Къозугъа биринджи багъышлангъан адамлар оларакъ, олар ерде яшагъанларнынъ арасындан сатын алынгъанлардыр.

1 Коринтлилерге 15:20

Амма Месих керчектен де олюлерден тирильди! О, олюлерден биринджи олып тирильди.

Малакий 1:11

Кунь догъгъан тарафындан кунь баткъан тарафынадже Меним Адым халкълар арасында буюк оладжакъ! Эр ерде Меним Адыма къокъулы отларны якъаджакълар, элял бахшышларны кетиреджеклер. Халкълар арасында Меним Адым азиз оладжакъ! – дей Ордуларнынъ РАББИси.

Сайылар 28:2

– Исраиль огъулларына бойле буюр, оларгъа бойле айт: Мукъайт олунъыз ве Меним бахшышларымны, Манъа хош къокъу чыкъармакъ ичюн атеште якъыладжакъ бахшыш оларакъ кетирген ашлыкъ бахшышларымны озь вакътында кетиринъиз.

4 Падишалар 4:42

Баал-Шалиша деген ерден бир адам кельди ве Алланынъ адамына биринджи орулгъан ашлыкътан 20 дане арпа отьмегини ве темизленмеген чий арпа ашлыгъыны кетирди. Эль-Яса: – Адамларгъа бер, ашасынлар, – деди.

Къануннынъ текрары 26:2

Алланъ олгъан РАББИ санъа береджек ернинъ, топракънынъ эписи биринджи махсулларындан пай ал да, сепетке къойып, Алланъ олгъан РАББИ, Намы олсун деп, сайлап аладжакъ ерине бар.

Левийлилер 23:20

Руханий буны, эм де салландырыладжакъ биринджи махсуллар отьмеклерини ве эки къозуны РАББИнинъ огюнде салласын. Булар – РАББИнинъ азиз бахшышлары, олар руханийнинъки олсун.

Левийлилер 22:29

РАББИге шукюр къурбанынъызны кетиргенде, оны ойле чалынъыз ки, къабул олунсын.

Башланув 4:3

Бир къач вакъыт кечкен сонъ, Хаин топракънынъ махсулларындан РАББИге бахшыш берди.

Левийлилер 2:15

Устюне зейтюн ягъыны тёк ве темиз къокъулы майны къой. Будыр – ашлыкъ бахшышы.

Левийлилер 2:16

Сонъ руханий хатыра пайы оларакъ богъдай данелерининъ бир къысмыны ве бутюн зейтюн ягъынен темиз къокъулы майны якъсын. Бу – РАББИге якъыладжакъ бахшыштыр.

Левийлилер 23:13

Къозунен берабер ашлыкъ бахшышы оларакъ зейтюн ягъынен къарыштырылгъан эки чанакъ энъ яхшы богъдай унуны кетиринъиз. О, РАББИ ичюн атеште якъыладжакъ къурбан, хош къокъу олсун. Шу бахшышнен берабер ичимлик бахшышы оларакъ ярым чанакъ шарап кетиринъиз.