Левийлилер 19:22 - Мукъаддес Китап

²² Руханий РАББИнинъ огюнде къабаат къочкъарынынъ ярдымынен акъай ве онынъ япкъан гунасы ичюн одеме этсин. Сонъ о адам япкъан гуна багъышланыр.

Левийлилер 19:22 Referans Kwoze

Левийлилер 4:26

Бутюн ич ягъыны, аманлыкъ къурбанынынъ ич ягъы дайын, къурбан ерининъ устюнде якъсын. Бойле этип, руханий башлыкъ ичюн одеме этер, ве о, багъышланыр.

Левийлилер 4:20

Гуна ичюн бузавнен япылгъан шейлерни шу бузавнен япсын. Руханий бойле япмакъ керек. Бойле этип, руханий олар ичюн одеме этер, ве олар багъышланырлар.

Левийлилер 5:7

Эгер къозуны кетирип оламаса, озь къабааты ичюн эки кийик гогерджин я да эки гогерджин баласыны алып РАББИге кетирсин. Биринджиси – гуна ичюн къурбан, экинджиси – бутюнлей якъыладжакъ къурбан олсун.

Левийлилер 19:21

Акъай РАББИге, Корюшюв Чадырынынъ киришине къабаат ичюн къурбан оларакъ къабаат къочкъарыны кетирсин.

Левийлилер 19:23

Сизге бериледжек топракъкъа кельгенинъизде ве анда чешит тюрлю мейва тереклерини сачкъанынъызда, тереклернинъ мейваларыны ашамагъа олмагъан киби сайынъыз. Учь йыл девамында оларны ашамагъа олмагъан киби сайынъыз. Оларны ашамагъа олмаз.

Левийлилер 4:31

Бутюн ич ягъыны, аманлыкъ къурбанындан айырылгъаны киби, айырсын, руханий оны къурбан ерининъ устюнде якъсын, ве о, РАББИге хош къокъу олсун. Бойле этип, руханий шу адам ичюн одеме этер, ве о, багъышланыр.

Левийлилер 4:35

Бутюн ич ягъыны, аманлыкъ къурбаны олгъан къойдан айырылгъаны киби, айырсын да, руханий оны къурбан ерининъ устюнде РАББИге якъыладжакъ къурбан оларакъ якъсын. Бойле этип, руханий онынъ гунасы ичюн одеме этер, ве о, багъышланыр.