Левийлилер 19:2 - Мукъаддес Китап

² – Исраиль джемаатына бойле айт: Азиз олунъыз, чюнки Мен, РАББИ, сизинъ Алланъыз – азизим.

Левийлилер 19:2 Referans Kwoze

Левийлилер 20:7

Озьлеринъизни элялланъыз ве азиз олунъыз. Мен – РАББИм, сизинъ Алланъыз.

Матта 5:48

Бойледже, Коктеки Бабанъыз киби, сиз де мукеммель олунъыз.

Левийлилер 20:26

Меним огюмде азиз олунъыз, чюнки Мен, РАББИ – азизим. Сиз Менимки олунъыз деп, Мен сизлерни башкъа халкълардан айырдым.

Чыкъыш 19:6

Сизлер исе – Меним руханийлернинъ падишалыгъым ве мукъаддес халкъым олурсынъыз». Исраиль огъулларына айтаджакъ сёзлеринъ будыр, – деди.

Левийлилер 21:8

Оны азиз корюнъиз, чюнки о, сизинъ Алланъызнынъ ашыны кетире. Руханий сиз ичюн азиз олсун, чюнки Мен, сизни азиз эткен РАББИ, азизим.

2 Коринтлилерге 7:1

Севимли дин къардашларым, Алладан бойле буюк сёзлерни алгъан сонъ, беденимизни ве рухумызны арам эткен эр бир шейден озюмизни темизлейик, Алладан къоркъып, бутюнлей азиз олайыкъ.

Амос 3:3

Эки адам озьара келишмейип, берабер кетерми?

Эфеслилерге 1:4

Биз Онынъ огюнде азиз ве севгиде къабаатсыз олайыкъ деп, Алла бизни Месихте дюнья яратылмасындан эвель сайлады.

Чыкъыш 22:31

Сиз Меним азиз адамларымсыз. Онынъ ичюн тарлада парчалангъан айваннынъ этини ашаманъыз, оны копеклерге атынъыз.

Левийлилер 19:1

РАББИ Мусагъа бойле деди:

Нун огълу Ехошуа 24:19

Ехошуа халкъкъа: – Сиз РАББИге хызмет этип оламазсынъыз. О – Мукъаддес Алла, куньджю Алладыр! О, джинаетлеринъизге ве гуналарынъызгъа даянмаз.

1 Падишалар 2:2

РАББИден башкъа мукъаддес ёкъ, Сенден башкъасы ёкъ! Алламыз киби къавий таянч ёкъ!

Зебур 99:3

Билинъиз ки, РАББИ – Алладыр, О, бизни яраткъан, бизлер де Онынъки оламыз! Биз Онынъ халкъы ве яйласынынъ къойлары оламыз.

Левийлилер 21:15

Халкъы арасында о, озь эвлятларынынъ азизлигини бозмасын. Мен – РАББИм, Мен Оны азиз эттим.

Левийлилер 21:23

Лякин, беден эксиклиги олгъаны ичюн, пердеге кельмесин ве къурбан ерине якъынлашмасын, Азиз Ернинъ азизлигини бозмасын. Мен – РАББИм, Мен оларны азиз эттим.

Къануннынъ текрары 27:10

Алланъ олгъан РАББИнинъ сесини динълемек ве мен санъа бугунь буюргъан эмирлерни ве низамнамелерни тутмакъ керексинъ, – дедилер.