Левийлилер 19:13 - Мукъаддес Китап

¹³ Якъын адамнынъ джаныны агъыртманъыз, онынъ малы-мулькюни озюнъизге тартып алманъыз. Ишчинънинъ къазанчыны сабагъа къадар къалдырманъыз.

Левийлилер 19:13 Referans Kwoze

Якъуп 5:4

Тарлаларынъызны оргъан ыргъатлардан къазанчыны тутып алдынъыз. Динъленъиз! Олар агълайлар, ве оракъчыларнынъ агълавлары Ордулар Раббисининъ къулакъларына еткен.

Малакий 3:5

Ордуларнынъ РАББИси бойле дей: – Суд этмек ичюн сизге келеджегим ве этнеджилерни, къоранта садыкълыгъыны бозгъанларны, ялан шаатлыкъ эткенлерни, ыргъатнынъ къазанчыны озь вакътына бермегенлерни, тулны ве оксюзни къыйнагъанларны, кельмешеклерден адалет акъкъыны тартып алгъанларны, Менден къоркъмагъанларны тез мейдангъа чыкъараджагъым.

Йирмея 22:13

Эвини яланнен, юкъары одаларыны адалетсизликнен къургъан, башкъа адамны парасыз чалыштыргъан, акъкъыны бермеген адамнынъ башына беля!

Икметли сёзлер 20:10

РАББИ эм ялан теразеден, эм догъру олмагъан ташлардан, – экисинден де нефрет эте.

Марк 10:19

Сен эмирлерни билесинъ: адамнынъ джаныны алма, аиле садыкълыгъыны бозма, хырсызлама, ялан шаатлыкъ этме, алдатма, ана-бабанъны урьмет эт, – деди.

Ехезкель 22:29

Мемлекетнинъ халкъы бири-бирини хорлайлар, мал-мулькюни тутып алалар, ёкъсулларны ве фукъарелерни чекиштирелер, башкъа халкълардан олгъанларгъа адалетсизлик япалар.

Йирмея 22:3

РАББИ бойле айта: Адалетнен ве догърулыкънен арекет этинъиз; джаны агъыргъанларны зорбанынъ къолундан къуртарынъыз; кельмешекнинъ, оксюзнинъ ве тул апайнынъ джаныны агъырттырманъыз, оларгъа акъсызлыкъ этменъиз. Бу ерде къабаатсыз къанны тёкменъиз.

Чыкъыш 22:21

Ят халкълардан олгъан адамларгъа залымлыкъ этменъиз, оларны хорламанъыз. Сиз озьлеринъиз Мысыр топрагъында кельмешеклер эдинъиз.

Чыкъыш 22:15

Эгер айван сабысынынъ козю огюнде сакъатланса я да ольсе, борджкъа алгъан адам акъкъыны одемесин. Лякин айван акъча берилип кирагъа алынгъан олса, акъча сабысына къалсын.

1 Тессалоникелилерге 4:6

Бу ишлерде ич кимсе дин къардашларына акъсызлыкъ япмасын ве оларны алдатмасын, чюнки, эвельден сизлерге айткъанда тенбиелегенимиз киби, бутюн бу ишлер ичюн Алла джезалайджакъ.

Лука 3:13

Ягъя оларгъа: – Ольчюсинден зияде салым алманъыз, – деди.

Икметли сёзлер 22:22

Ёкъсулны, фукъаре олгъаны ичюн, сыдырма, шеэрнинъ араба къапусы янында заваллынынъ джаныны агъырттырма.

Эюп акъкъында китап 31:39

эгер мен махсулыны пара одемеден ашагъан, я да сабыларынынъ джаныны агъырткъан олсам,

Левийлилер 6:3

я да о, башкъасынынъ джойгъан мулькюни тапып, онынъ акъкъында айтмагъанда, я да бир шейде ялан ант эткенде, я да башкъа, адамлар япкъан, насылдыр гуна япкъанда,

Чыкъыш 22:13

Эгер айванны кийик айванлар парчаласа, оны сакълагъан адам парчаларыны шаатлыкъ оларакъ косьтерсин. Парчалангъан айван ичюн о, акъкъыны одемесин.

Матта 20:8

Акъшам олгъанда, багънынъ саиби озюнинъ идаре хызметчисине: «Ыргъатларны чагъырып, оларгъа, сонъкилерден башлап биринджилеринедже иш акъларыны бер», – деп буюрды.

1 Тимотейге 5:18

Языда: «Арман баскъан бугъанынъ агъзыны къапатма» ве «Ишчи озь къазанчына ляйыкътыр», – деп язылгъан.

Чыкъыш 20:15

Хырсызлама.

Чыкъыш 22:7

Бирев къомшусына кумюшни я да шейлерни сакъламакъ ичюн берсе, ве олар онынъ эвинден гъайып олсалар, хырсызны тутсалар, хырсыз эки къат тёлесин.

Эюп акъкъында китап 17:5

Бирев озь файдасы ичюн достларыны сатса, балаларынынъ козь нурлары сёнер.

Икметли сёзлер 3:28

Янынъда олып да, башкъа адамгъа: «Кет, ярын келирсинъ, о вакъыт берерим», – деме.

Ехезкель 18:7

кимсени хорламаса, онъа борджлу олгъангъа залогыны къайтарып берсе, кимсени чайпамаса, отьмегини ачларгъа берсе ве чыплакъларны кийиндирсе,

Ехезкель 22:12

Сенде яшагъанлар къан тёкмек ичюн, къапарларны берелер. Сен файдасы ичюн пара бересинъ, пара бергенде, фаиз истейсинъ, якъынынъны зорлап, ондан акъча тутып аласынъ. Мени исе сен къалдырдынъ, – дей РАББИ-ТААЛЯ.

Левийлилер 25:14

Башкъа адамгъа бир шей саткъанда я да сатын алгъанда, бири-биринъизнинъ джаныны агъыртманъыз.

Левийлилер 25:17

Бири-биринъизнинъ джанларынъызны агъыртманъыз. Алланъыздан къоркъунъыз. Мен – РАББИм, сизинъ Алланъыз.

Эюп акъкъында китап 7:2

Талдада раатланмакъ ичюн айырылгъан вакъытны къул сабырсызлыкънен беклегени дайын, ыргъат да иш кунюнинъ акъкъыны беклей.