Левийлилер 18:25 - Мукъаддес Китап

²⁵ Бутюн топракъ арам олды. Шунынъ ичюн Мен халкъларны бутюн яманлыкълары ичюн джезаларым, ве ер юзю онынъ устюнде яшагъанларны къусаджакъ.

Левийлилер 18:25 Referans Kwoze

Левийлилер 18:28

Топракъ сизден эвель яшагъан халкъларны къускъаны киби, сиз топракъны арамлайджакъ вакъытта о, сизлерни де къусаджакъ.

Йирмея 2:7

Мейваларыны ве бол берекетини ашанъыз деп, Мен сизни багъчалар топрагъына кирсеттим. Сизлер исе топрагъыма кирип, оны арамладынъыз, Меним мулькюмни джиренч бир шейге чевирдинъиз.

Йирмея 9:9

Оларны бунынъ ичюн джезаламаммы, аджеба? – дей РАББИ. – Бойле халкъкъа акъларыны бермемми?

Зебур 106:38

РАББИ оларнен разы олур, олар пек чокълашыр, маллары да ич эксильмез.

Хошеа 2:13

Мен оны джезалайджагъым, чюнки о, Баал путларына хызмет эте, оларгъа къокъулы отларны якъа, юзюклер ве герданлыкъларнен безенип, ойнашларынынъ артындан кетти, Мени исе унутты, – дей РАББИ.

Йирмея 23:2

Онынъ ичюн РАББИ, Исраильнинъ Алласы, халкъымны бакъкъан чобанларгъа бойле дей: – Сизлер къойларымны дагъыттынъыз, оларны къачырдынъыз, оларны бакъмадынъыз. Бакъынъыз! Яман ишлеринъиз ичюн сизни джезалайджагъым, – дей РАББИ.

Йирмея 16:18

Энъ эвеля, акъсызлыкълары ве гуналары ичюн оларны къатты джезалайджагъым, чюнки Меним топрагъымны джиренч олюлернен арамладылар ве Меним мемлекетимни писликлерге толдурдылар.

Йирмея 14:10

Бу халкъ акъкъында РАББИ бойле дей: – Аякъларыны тутмайып, токътамаздан кезмеге севгенлери ичюн, РАББИ олардан разы дегиль, къабаатларыны акъылында тутар, гуналары ичюн джезалар.

Йирмея 5:29

Аджеба, Мен бунынъ ичюн джезаламаммы? – дей РАББИ. – Бойле халкънынъ акъларыны бермемми?

Йирмея 5:9

Аджеба, Мен бунынъ ичюн джезаламаммы? – дей РАББИ. – Мытлакъа оларнынъ акъларыны береджегим!

Ешая 26:21

Бакъынъыз! Ер юзюнде яшагъанларны, акъсыз ишлери ичюн джезаламагъа Озь мескенинден РАББИ чыкъа. Топракъ тёкюльген къанны ачып, ольдюрильгенлерни энди сакъламайджакъ.

Къануннынъ текрары 18:12

Чюнки буны япкъан эр ким РАББИнинъ огюнде пистир, ве бу писликлер ичюн Алланъ олгъан РАББИ оларны огюнъден къувалай.

Римлилерге 8:22

Биз билемиз, эр яратылгъан шей шимдиге къадар догъуш азабыны чекип, чекишип агълай.

Хошеа 9:9

Олар чокъ бозулды, Гивада олгъаны киби, харап олды. Оларнынъ къабаатлары Алланынъ акълына келеджек, гуналары ичюн О, джезалайджакъ.

Ешая 24:5

Ер юзюнде яшагъан адамлар оны арамлады, Къанунны таптадылар, низамнамени денъиштирдилер, эбедий Васиетни боздылар.

Къануннынъ текрары 9:5

Кетип, бу топракънынъ саиби олмакънынъ себеби сенинъ инсафлыгъынъ ве юрегинънинъ догърулыгъы дегиль. Алланъ олгъан РАББИ шу миллетлерни огюнъден яманлыгъы ичюн къувалай. Онынъ баба-деделеринъизге Ибраим, Исхакъ ве Якъупкъа берген антыны беджермеге ниети бар.

Хошеа 8:13

Манъа къурбан-бахшышларыны кетиргенде, айванларны соялар ве этлерини ашайлар. РАББИ оларны къабул этмез. Шимди О, къабаатларыны акъылгъа кетирир, гуналары ичюн джезалар, ве олар Мысыргъа къайтар.

Левийлилер 18:26

Сизлер исе, эм исраиллилерден олгъан, эм аранъызда яшагъан кельмешеклерден олгъан эр кес Меним низамнамелеримни ве къарарларымны беджеринъиз, бу пис ишлерни япманъыз.

Къануннынъ текрары 21:23

онынъ джеседи теректе геджелемесин. Мытлакъа оны о куню де дефн эт. Теректе эр бир къалдырылгъан адам Алланынъ огюнде лянетлидир. Алланъ олгъан РАББИ санъа мульк оларакъ береджек топракъны арамлама.

3 Падишалар 21:26

РАББИ исраиллилернинъ огюнден аморлыларны къувалап йиберген олса да, Ахав, аморлылар киби, бош путларгъа табынып, пек пис шей япты.

Узеир 9:11

Сен исе оларны Озь къулларынънен пейгъамберлеринънен буюрдынъ: «Сизинъ келеджек мирасынъыз, сиз киреяткъан топракъ – бозукъ топракътыр. О, мемлекетлер халкъларынынъ писликлеринен арамлангъан. Олар топракъны башындан сонъунадже арам шейлеринен толдурдылар.