Левийлилер 17:15 - Мукъаддес Китап

¹⁵ Исраиллилерден я да кельмешеклерден олгъан бир адам айваннынъ олюсини я да кийик айван парчалагъан айваннынъ этини ашаса, озь урбаларыны ве озь беденини сувнен ювсун. Акъшамгъадже о, арам олур. Сонъра о, темиз олур.

Левийлилер 17:15 Referans Kwoze

Къануннынъ текрары 14:21

Ич бир тюрлю ольген шейни ашаманъыз. Оны сизинъ шеэрлеринъизде ят халкълардан олгъанларгъа беринъиз, олар ашасынлар. Я да ольген шейни оларгъа сатынъыз. Сиз исе – Алланъыз олгъан РАББИнинъ азиз халкъысынъыз. Улакъны анасынынъ сютюнде пиширменъиз.

Левийлилер 22:8

Олюнинъ я да айванларнен парчалангъан айванларнынъ этини ашамасын. Ёкъса о, арам оладжакъ. Мен – РАББИм.

Чыкъыш 22:31

Сиз Меним азиз адамларымсыз. Онынъ ичюн тарлада парчалангъан айваннынъ этини ашаманъыз, оны копеклерге атынъыз.

Левийлилер 11:25

Ким буларнынъ олюсини къолуна алса, урбасыны ювмакъ керек ве акъшамгъадже арам олур.

Сырларнынъ ачылувы 7:14

– Эфендим, буны сен билесинъ, – дедим мен. О, манъа шойле деди: – Булар – буюк белядан кечип кельгенлер. Олар озь урбаларыны Къозунынъ къанынен ювдылар, ве олар беяз олдылар.

Ехезкель 44:31

Руханийлер чешит тюрлю олюлерни, кийик айван парчалагъанларны: не ольген къушны, не ольген айванны ашамасынлар.

Ехезкель 4:14

О заман мен: – Я РАББИ-ТААЛЯ! Мен ич бир вакъыт арам шей ашамадым, арамланмадым! Олю айваннынъ я да йыртыджы айван ольдюрген айваннынъ этини мен яшлыгъымдан ич бир вакъыт бугуньгедже ашамадым. Арам олгъан эт агъзыма кирмеди! – дедим.

Левийлилер 15:5

Ким онынъ яткъан ерине токъунса, озюни ве озь урбаларыны сувнен ювмакъ керек. Акъшамгъадже о, арам олур.

Сайылар 19:21

Олар ичюн бу, эбедий низамнаме олсун. Темизлев сувуны септирген адам озь урбаларыны ювсун. Темизлев сувуна токъунгъан адам акъшамгъа къадар арам оладжакъ.

Сайылар 19:19

Учюнджи ве единджи куньлери элял олгъан адам арам олгъан адамгъа сув септирсин. Единджи куню о, оны элялласын. Сонъ озь урбаларыны ювсун, озь беденини де сувнен ювсун. Акъшам о, элял оладжакъ.

Сайылар 19:8

Къунанджынны якъкъан адам урбаларыны сувнен ювсун, озь беденини де сувнен ювсун. О акъшамгъа къадар арам оладжакъ.

Левийлилер 15:21

Ким къадыннынъ тёшегине токъунса, озюни ве озь урбаларыны сувнен ювмакъ керек. Акъшамгъадже о, арам олур.

Левийлилер 15:10

Ким онынъ отургъан бирде-бир шейге токъунса, акъшамгъадже арам олур. Ким буларнынъ бирде-бир шейини ташыса, о, озюни ве озь урбаларыны сувнен ювмакъ керек. Акъшамгъадже о, арам олур.

Левийлилер 7:24

Ольген айваннынъ я да кийик айванлар парчалагъан айваннынъ ягъыны насылдыр ишке къулланмагъа мумкюн, амма оны ашаманъыз.

Левийлилер 11:40

Айваннынъ олюсини ашагъан адам озь урбаларыны ювсун ве акъшамгъадже арам олур. Онынъ олюсини алып кеткен адам да урбаларыны ювсун ве акъшамгъадже арам олур.

Чыкъыш 22:30

Туварлар ве къой-эчкилеринъизнен айны шуны япынъыз: еди кунь биринджи догъгъан айванлар аналарынынъ янында къалсынлар, секизинджи кунюне исе оларны Манъа беринъиз.

Левийлилер 11:24

Сизни арам этеджек шейлер булардыр: айтылгъанларнынъ олюсине токъунгъан эр ким акъшамгъадже арам олур.

Левийлилер 11:27

Дёртаякълы айванлардан панджаларынен ерге басып юргенлер сиз ичюн арамдыр. Оларнынъ олюсине токъунгъан эр бир адам акъшамгъадже арам олур.

Левийлилер 11:28

Оларнынъ олюсини къолуна алгъан адам озь урбасыны ювдурсын. Акъшамгъадже о, арам олур. Бу айванлар сиз ичюн арамдыр.

Левийлилер 11:31

Ер юзюнде огъул чыкъаргъан махлюкълардан булар сиз ичюн арамдыр. Оларнынъ олюсине токъунгъан эр ким акъшамгъадже арам олур.

Левийлилер 11:32

Эгер оларнынъ олюси бир шейге тюшсе, о шей арам олур: эр бир агъач савут, я да урба, я да тери, я да чувал, я да башкъа бир ишке ярагъан шей арамланаджакъ. Оларны сув ичине къоймакъ керек. Акъшамгъадже олар арам оладжакъ, сонъра исе темизленеджек.

Левийлилер 11:39

Эти ашалгъан айванлардан бири ольгенде, онынъ олюсине токъунгъан адам акъшамгъадже арам олур.