Левийлилер 15:14 - Мукъаддес Китап

¹⁴ Секизинджи куню о, эки кийик гогерджинни я да эки гогерджин баласыны алсын, РАББИнинъ огюне, Корюшюв Чадырынынъ киришине кельсин ве оларны руханийге берсин.

Левийлилер 15:14 Referans Kwoze

Левийлилер 12:8

Эгер бу къадын къойны кетирип оламаса, эки кийик гогерджинни я да эки гогерджин баласыны кетирсин. Биринджиси – бутюнлей якъыладжакъ къурбан, экинджиси – гуна ичюн къурбан олсун. Руханий онынъ ичюн одеме этсин, ве къадын темиз оладжакъ.

Еудийлерге 10:14

О, бир къурбан кетирип, элялланаяткъан адамларны эбедий къусурсыз япты.

Еудийлерге 10:12

Месих исе гуналар ичюн бир къурбанны кетирген сонъ, Алланынъ онъ тарафында эбедиен отурды.

Еудийлерге 10:10

Алланынъ истегинен, Иса Месих бир кере Озь беденини къурбан оларакъ кетирип, бизни азиз этти.

Еудийлерге 7:26

Бизлерге анавы бойле бир баш руханий керек. О, мукъаддес, къабаатсыз ве лекесиз, гуналы адамларнынъ арасындан олмагъан ве коклерден юксек котерильгендир.

2 Коринтлилерге 5:21

Месихнинъ ярдымынен Алланынъ огюнде инсафлы сайылайыкъ деп, Алла гуна бильмеген Месихни гуналарымыз ичюн къурбан оларакъ кетирди.

Сайылар 6:10

Секизинджи куню о, руханийге, Корюшюв Чадырынынъ кириши янына эки гогерджинни я да эки гогерджин баласыны кетирсин.

Левийлилер 12:6

Огълан я да къыз бала ичюн темизленюв куньлери кечкен сонъ, къадын руханийге, Корюшюв Чадырынынъ киришине бутюнлей якъыладжакъ къурбан оларакъ бир йыллыкъ къозуны, эм де гуна ичюн къурбан оларакъ гогерджин баласыны я да кийик гогерджинни кетирмек керек.

Левийлилер 1:14

Эгер адамнынъ РАББИ ичюн бутюнлей якъыладжакъ къурбаны къушлардан олса, о заман озь къурбаныны кийик гогерджинден я да гогерджин баласындан чалсын.