Левийлилер 14:8 - Мукъаддес Китап

⁸ Темизленеджек адам урбаларыны ювсун, бутюн сачларыны тыраш этсин, сувнен ювунсын, ве сонъра темиз оладжакъ. Сонъ онынъ ордугъа кирмеге акъкъы оладжакъ, амма еди кунь о озь чадырындан тыш яшасын.

Левийлилер 14:8 Referans Kwoze

Левийлилер 11:25

Ким буларнынъ олюсини къолуна алса, урбасыны ювмакъ керек ве акъшамгъадже арам олур.

1 Пётр 3:21

Шунъа сувгъа батырылып чыкъув ошай; о, шимди бизни Иса Месихнинъ тирилювинен къуртара. Онынъ манасы – беденни кирден темизлемек дегиль, Алладан темиз-пак видждан тилемектир.

Сайылар 8:7

Оларны элялламакъ ичюн, шуны яп: оларгъа темизлейджек сувны септир, олар беденлериндеки бутюн сачларны тыраш этсин ве урбаларыны ювсунлар. Бойле этип, олар элял оладжакъ.

Сырларнынъ ачылувы 7:14

– Эфендим, буны сен билесинъ, – дедим мен. О, манъа шойле деди: – Булар – буюк белядан кечип кельгенлер. Олар озь урбаларыны Къозунынъ къанынен ювдылар, ве олар беяз олдылар.

2 Тарих вакъиалары 26:21

Уззия падиша олюминедже тери хасталыгъынен чекишти ве айры бир эвде хаста олып яшады. О, РАББИнинъ Сарайындан айырылгъан эди. Онынъ огълу Ётам исе падиша сарайында башлыкъ япты ве мемлекетнинъ халкъына къады олды.

Левийлилер 14:20

Руханий бутюнлей якъыладжакъ къурбанны ве ашлыкъ бахшышыны къурбанлыкъ устюне къойсун. Бойле этип, о адам ичюн одеме этсин. Сонъ о, темиз оладжакъ.

Левийлилер 14:9

Единджи куню о башындаки бутюн сачларыны, сакъалыны, къашларыны ве тенинде олгъан бутюн сачларны тыраш этсин, урбаларыны ювсун, беденини де сувнен ювсун. Сонъ о, темиз оладжакъ.

Левийлилер 8:6

Муса Харунны ве огъулларыны огге чыкъарып, оларны сувнен ювундырды.

Чыкъыш 19:14

Муса дагъдан халкъкъа тюшти ве халкъны эляллатты. Олар озь урбаларыны ювдылар.

Чыкъыш 19:10

РАББИ Мусагъа: – Халкъкъа барып, оны бугунь ве ярын эляллат.

Левийлилер 15:13

Акъувы олгъан адамнынъ акъувы кесильген сонъ, о темизленмек ичюн еди кунь беклесин. Сонъ о, урбаларыны ювсун. Озь беденини о, чокъракъ сувунен ювмакъ керек. Сонъ о, темиз олур.

Сайылар 6:9

Эгер онынъ янында бирев апансыздан ольсе, ве назарей озь назарейлигини ве башынынъ сачларыны арамласа, о, эляллангъан кунюнде озь башыны тыраш этсин, единджи куню сачларыны къыркътырсын.

Къануннынъ текрары 21:12

оны эвинъе кетир. Къадын сачларыны тыраш этсин, тырнакъларыны кессин.