Левийлилер 13:40 - Мукъаддес Китап

⁴⁰ Эгер биревнинъ сачы тёкюлип битсе, бу адам таздыр. О темиз.

Левийлилер 13:40 Referans Kwoze

Галатиядакилерге 4:13

Сиз билесиз ки, мен сизлерге Къуванчлы Хаберни биринджи сефер бильдиргенимде, мен озюм хаста эдим.

Римлилерге 8:10

Месих ичинъизде олгъаны ичюн, беденинъиз гуна ичюн олюдир, рухунъыз исе акълангъанынъыз ичюн тиридир.

Римлилерге 6:19

Акъылларынъыз зайыф олгъаны ичюн, адамджа лаф этем. Бир вакъытлары сиз писликнинъ ве ахлякъсызлыкънынъ къуллары олып, къанунсызлыкъ эте эдинъиз. Энди исе инсафлыкънынъ къулу олып, азиз ишлер япынъыз.

Римлилерге 6:12

Бойлеликнен, гунагъа сизинъ оледжек беденлеринъизге падишалыкъ япмагъа ёл берменъиз ве беден истеклерине бойсунманъыз.

Амос 8:10

Байрамларынъызны агълавгъа айландыраджагъым, эписи тюркюлеринъизни дженазе иляхийлерине чевиреджегим. Эр кесни чувал урбасы киймеге меджбур этеджегим, эр кеснинъ баш сачлары тыраш оладжакъ. О куню бирден-бир огълунынъ артындан агълагъанлар киби оладжакъсынъыз. Бу кунни сонъуна къадар аджджы япаджагъым.

Ешая 15:2

Аллаларынынъ эвине, Дивон шеэрининъ ибадет тёпелерине агъламакъ ичюн кеттилер. Моав халкъы Нево ве Медева шеэрлери ичюн аджджы агълай; эр кеснинъ баш сачлары алынгъан, сакъаллары тыраш олунгъан.

Энъ яхшы йыр 5:11

Бети – темиз алтын дайын дюльбер, сачлары – къувурчыкъ, къузгъун киби къара.

4 Падишалар 2:23

Эль-Яса андан чыкъып, Бет-Эльге кетти. О ёлдан кеткенде, кичик балалар шеэрден чыкъып, оны мыскъыллап башладылар ве: – Кет, тазбаш! Кет, тазбаш! – деп къычырыштылар.

Левийлилер 13:41

Эгер башынынъ огдеки сачлары тёкюлип битсе, бу тазлашкъан манълайлы адамдыр. О темиз.

Левийлилер 13:39

руханий оларгъа бакъсын. Эгер теридеки лекелер акъчиль беязлы олсалар, бу тери устюнде чыкъкъан адий бурьтюк тёкюлювидир. Адам темиздир.