Левийлилер 13:20 - Мукъаддес Китап

²⁰ Руханий оны бакъсын. Эгер хаста ери терининъ ичине кирип кеткен олса, эм де устюндеки сачлар агъаргъан олса, руханий хастаны арам деп илян этсин. Бу – кечиджи тери хасталыгъы. О, ишлев еринде пейда олды.

Левийлилер 13:20 Referans Kwoze

2 Пётр 2:20

Эгер олар, Раббимизни ве Къуртарыджымыз Иса Месихни бильгенде, дюньянынъ пислигинден къачып къуртулып, бундан сонъ кене шойле ишлерге къарышып енъильселер, о вакъытта оларнынъ сонъки алы эвельки алындан бетер оладжакъ.

Юхан 5:14

Сонъ Иса о адамны Алланынъ Сарайында тапты. – Мына, сен сагъ олдынъ. Энди гуна япма, ёкъса санъа даа да бетер шей оладжакъ, – деди онъа.

Матта 12:45

О вакъыт джин бара да, озюнинъ янына башкъа, даа бетер еди джинни ала ве оларнен эвге кирип ерлеше. Сонъра, о адамнынъ алы эвелькисинден бетер ола. Бу ярамай несильнинъ алы да шойле оладжакъ.

Левийлилер 13:3

Руханий терисиндеки хасталыкъкъа бакъсын. Эгер хаста ериндеки сачлар агъаргъан, эм де хаста ери терининъ ичине терен кирип кеткен олса, бу – кечиджи тери хасталыгъыдыр. Хастаны бакъкъан руханий оны арам илян этсин.

Левийлилер 13:2

– Биревнинъ терисинде шишик, къабукълы яра я да насылдыр парлакъ леке пейда олгъанда ве о, тери хасталыгъына ошагъанда, оны Харун руханийге я да руханий олгъан огъулларындан бирине алып кельмек керек.

Левийлилер 13:19

ве ишлевнинъ еринде беяз бир шишик я да беяз я къырмызылы тюстеки бир леке пейда олгъан олса, о руханийге кетсин.

Левийлилер 13:21

Лякин руханий хастаны бакъкъанда, хаста ери устюндеки сачлар агъармагъан олса, эм де терининъ ичине кирип кетмеген олса ве козьге чарпмаса, руханий шу адамны еди куньге башкъа адамлардан айырсын.