Левийлилер 11:8 - Мукъаддес Китап

⁸ Бу айванларнынъ этини ашаманъыз, олюсине де токъунманъыз. Олар сиз ичюн арамдыр.

Левийлилер 11:8 Referans Kwoze

Еудийлерге 9:10

Олар – тек ашлар, ичимликлер ве эр тюрлю абдестлер. Булар – беден ичюн эмирлер, ве олар янъы тертип пейда олгъанына къадар къоюлгъан.

Колоссайлыларгъа 2:16

Бойлеликнен, ашарлыкъ-ичерлик, байрамлар, янъы ай я да раатлыкъ куньлери къаиделерини тутмагъанынъыз ичюн сизлерни ич кимсе къабаатламасын.

Хошеа 9:3

Олар РАББИнинъ топрагъында яшамаз, лякин Эфраим Мысыргъа къайтар, Ашшурда да арам шейлерни ашар.

Ешая 52:11

Кетинъиз, кетинъиз, андан чыкъынъыз! Арамгъа токъунманъыз, арасындан чыкъынъыз, озьлеринъизни элялланъыз, эй, РАББИнинъ савутларыны ташыгъанлар!

Левийлилер 5:2

Эгер бириси бир арам шейге токъунса: арам кийик айваннынъ олюсине, башкъа арам айваннынъ джеседине, я да арам махлюкънынъ джеседине тийсе, онынъ бу шей акъкъында хабери олмаса да, о арамланыр ве къабаатлы олур.

Эфеслилерге 5:11

Къаранлыкънынъ мейвасыз ишлерине къошулманъыз, аксине, оларны ачыкъкъа чыкъарынъыз,

Эфеслилерге 5:7

Шу себептен оларгъа къошулманъыз.

2 Коринтлилерге 6:17

Шунынъ ичюн оларнынъ арасындан чыкъынъыз, олардан айрылып кетинъиз, – дей Рабби. – Арам шейлерге токъунманъыз. О вакъыт Мен сизлерни къабул этерим,

1 Коринтлилерге 8:8

Биз ашагъан я да ашамагъан ашлар бизни Аллагъа якъынлаштырмакъ мумкюн дегиль. Эгер ашамасакъ, ич бир шей джоймаймыз, ашасакъ да, ич бир шей къазанмаймыз.

Римлилерге 14:21

Эгер буны япып, агъа-къардашынъны гунагъа огъратсанъ, эт ашамакътан, шарап ичмектен, эм де къардашны ёлдан ургъан ич бир шейни япмакътан вазгечмеге яхшы олур.

Фаалиет 15:29

путларгъа союлгъан къурбанлыкъ этлеринден, богъулып ольдюрильген айваннынъ этинден ве къан ашавдан, ве ороспулыкътан озьлеринъизни сакъланъыз. Буларны тутып юрсенъиз, яхшы иш япарсынъыз. Сагълыкънен къалынъыз!»

Фаалиет 10:28

О оларгъа: – Башкъа халкълардан олгъан адамларнен алякъа тутмакъ ве онынъ эвине кирмек, еудий ичюн ясакъ олгъаныны билесинъиз. Лякин манъа Алланынъ ич бир адамны кирли я да арам деп саймамагъаны ачылды.

Марк 7:18

О оларгъа: – Гъалиба сиз де ойле акъылсызларсынъыз? – деди. – Тышарыдан адамнынъ ичине кирген ич бир шей оны арам этип оламагъаныны анъламайсызмы?

Марк 7:15

Тышарыдан инсан ичине кирген ич бир шей оны арам этип оламай. Аксине, адамнынъ ичинден чыкъкъан шей оны арам эте.

Марк 7:2

Олар, Исанынъ шегиртлеринден базылары кирли къолларынен, яни эллерини ювмайып, отьмек ашагъанларыны корьгенлер.

Матта 15:20

Мына бу шейлер адамны арам эте. Кирли къолларнен аш ашамакъ исе адамны арам этмей.

Матта 15:11

Агъызгъа кирген шей дегиль, агъыздан чыкъкъан шей исе инсанны арам эте, – деди.

Левийлилер 11:7

Домузны ашаманъыз, чюнки туякълары болюнген, я да экиге айырылгъан олса да, о, кевшемей. О, сиз ичюн арамдыр.

Левийлилер 11:9

Сувда яшагъанларнынъ эписинден буларны ашамакъ мумкюн. Сувда, денъизде я да дерьяларда яшагъан ялдавучларынен пуллары олгъанларнынъ эр тюрлю сойларыны ашанъыз.