Хошеа 9:15 - Мукъаддес Китап

¹⁵ Оларнынъ яманлыкълары – Гилгалда. Анда япылгъан яман ишлери ичюн Меним юрегим олардан къайтты. Мен оларны Эвимден къувалайджагъым, бир даа оларны севмейджегим. Оларнынъ эписи ёлбашчылары Менден вазгечти.

Хошеа 9:15 Referans Kwoze

Хошеа 12:11

Гилад шеэринде яманлыкъ бармы? Олар мытлакъа гъайып оладжакъ! Гилгал шеэринде бузавларны къурбан чалалармы? Къурбан ерлери тарла меджасындаки таш обаларына чевириледжек.

Хошеа 4:15

Эй, Исраиль, сен ороспулыкъ этсенъ де, Ехуда гуна къазанмагъайды. Гилгал шеэрине барманъыз, Бет-Авен шеэрине чыкъманъыз, Тири РАББИнен ант этменъиз.

Ешая 1:23

Башлыкъларынъ къанунны бозалар хырсызларнен достлашалар. Оларнынъ эписи бахшышларны севе ве къапарларны къыдыра. Етимни къорчаламайлар, тул къадыннынъ давасы оларгъа барып етмей.

Амос 5:5

Бет-Эльге кетменъиз, Гилгалгъа кирменъиз, Беэр-Шева шеэрине кечменъиз. Гилгал шеэри сюргюн этиледжек, Бет-Эль шеэри гъайып оладжакъ.

1 Падишалар 7:16

Йыл-йылдан о, Бет-Эль, Гилгал ве Мицпа шеэрлерини долашып, Исраильнинъ эписи ерлеринде ёлбашчылыкъ этти.

Цефанья 3:3

Онынъ башлыкълары – окюрген арсланлар, онынъ къадылары – акъшам авгъа чыкъкъан къашкъырлар киби, сабагъадже ич бир шей къалдырмай.

Микъа 6:5

Эй, халкъым! Акълынъа кетир: Моав падишасы Балакъ сизге къаршы нелер тюшюнди? Беорнынъ огълу Белам онъа насыл джевап берди? Шиттимден Гилгалгъа къадар не олды? Мен, РАББИ, сизге ишанчлыгъымны косьтердим.

Фаалиет 4:27

Эм акъикъатен, Ироднен Понтий Пилат бу шеэрде Исраиль халкъынен ве башкъа миллетлернен берабер, Сен Месих деп тайинлеген азиз къулунъ Исагъа къаршы бирликте чыкътылар,

Зекерья 11:8

Бир айда учь чобанны ёкъ эттим. Мен олардан бездим, олар да Менден юзь чевирдилер.

Микъа 3:11

Шеэрнинъ башлыкълары къапар алып, суд этелер, руханийлери парагъа огретелер, пейгъамберлери акъчагъа фал бакъалар. Айны заманда олар РАББИге таяналар, «РАББИ бизим арамызда, башымызгъа бир беля тюшмейджек», – дейлер.

Амос 5:27

Шунынъ ичюн Мен сизни Дамасктан узакъ ерге сюргюн этеджегим, – дей РАББИ. Онынъ Ады – Ордуларнынъ Алласыдыр!

Амос 4:4

– Бет-Эльге кетинъиз, къанунсыз ишлеринъизни япынъыз, Гилгалда чокъча гуна къазанынъыз. Эр саба къурбанларынъызны чалынъыз, эр учюнджи куню онда бир пайларынъызны кетиринъиз.

Хошеа 9:17

Олар Алламны динълемегенлери ичюн, О, оларны ред этеджек. Халкълар арасында олар эвсиз гъурбетчи оладжакъ.

Хошеа 9:3

Олар РАББИнинъ топрагъында яшамаз, лякин Эфраим Мысыргъа къайтар, Ашшурда да арам шейлерни ашар.

Хошеа 7:2

Мен оларнынъ яманлыкъларыны унутмайджагъым, олар исе бунынъ акъкъында тюшюнмей. Энди япкъан ишлери оларны сарар, козюм огюнден кетмез.

Хошеа 4:9

Халкънен оладжакъ шейлер руханийлернинъ башына да тюшеджек. Мен оларны арекетлери ичюн джезалайджагъым, япкъанлары ичюн акъларыны къайтараджагъым.

Хошеа 3:4

Исраиллилер чокъ вакъыт ичинде падишасыз, ёлбашчысыз яшайджакъ. Оларнынъ не къурбанлары, не къурбан ери, не эфод, не эв путлары оладжакъ.

Хошеа 1:9

РАББИ Хошеагъа: – Адыны Ло-Амми къой, чюнки сиз Меним халкъым дегильсиз. Мен де сизинъ Алланъыз олмам.

Хошеа 1:6

Гомер кене юкке къалды ве къыз бала тапты. РАББИ Хошеагъа: – Адыны Ло-Рухама къой, чюнки энди Мен Исраиль эвине мерамет этмейджегим, оларнынъ къабаатларыны энди багъышламайджагъым.

Ехезкель 23:18

Охолива ачыкътан-ачыкъ ороспулыкъкъа берильген сонъ, озь чыплакълыгъыны косьтерген сонъ, Мен ондан джирендим, татасындан юзюмни чевиргеним киби, ондан да юзюмни чевирдим.

Ехезкель 22:27

Ёлбашчылары авыны йырткъан къашкъырларгъа ошай: акъсыз акъча алмакъ ичюн къан тёкелер, адамларны ольдюрелер.

Йирмея 11:15

– Севгили халкъым Меним Эвимде къаладжакъмы? О япкъан яманлыкълары пек чокъ, азиз къурбанларнынъ этлери биле онынъ къабаатларыны багъышламагъа ярдым этмез. Яманлыкъ япкъанда, олар къуваналар.

Йирмея 5:5

Буюк олгъанларгъа барайым да, оларнен лаф этейим. РАББИнинъ ёлуны, Алланынъ Къануныны олар билелер. Лякин олар да боюндырыкъны къырдылар, багълавларыны узьдилер.

Йирмея 3:8

Имансыз Исраиль къызынынъ ороспу арекетлери ичюн, Мен оны йибердим, айырылышув мектюбини бердим. Хаин къызкъардашы Ехуда ич къоркъмады, лякин кетип, озю ороспулыкъ этип башлады. Мен буны корьдим.

Нун огълу Ехошуа 10:43

Сонъ Ехошуа ве онен берабер эписи исраиллилер Гилгалгъа, ордуларына къайттылар.

Левийлилер 26:30

Ибадет тёпелеринъизни ёкъ этеджегим, къокъулы отларны якъув ерлеринъизни йыкъарым, олюлеринъизни сизинъ йыкъылгъан путларынъызгъа атаджагъым ве сизден юзюмни чевиреджегим.

Фаалиет 5:21

Эльчилер онынъ сёзлерини динълеп, саба эрте Алланынъ Сарайына келип, адамларны огрете башладылар. Баш руханий ве онен берабер олгъанлар Исраиль халкъынынъ эписи акъсакъалларыны ве Юксек Шураны топладылар, эльчилерни кетирмек ичюн, зиндангъа адамларны йибердилер.

Йирмея 12:8

Халкъым Манъа ормандаки арслан киби олды, Манъа къаршы ырылдады, онынъ ичюн онъа хор бакътым.

Хошеа 12:2

РАББИ Ехуданы да суд этеджек, Якъупны да япкъан ишлерине коре джезалайджакъ, япкъанларына коре акъкъыны береджек.

Йирмея 15:1

РАББИ манъа деди ки: – Мусанен Смаил огюмде турып, ялварсалар биле, бу халкъкъа юрегим ятмаз. Оларны огюмден къувала, кетсинлер.