15 Мен оларгъа акъыл огреттим, къолларына кучь бердим, олар исе Манъа къаршы яманлыкъ тюшюнди.
Сизлер РАББИге къаршы нелер тюшюнесинъиз? О, эпинъизни бутюнлей ёкъ этеджек, ве беля бир даа текрарланмаз.
Мен кимни севсем, оны сёгем ве джезалайым. Шунынъ ичюн гъайретли ол ве тёвбе эт.
Амма Алла сизлерге огъулларына киби айткъан огютини унуткъансыз: – Огълум, Раббининъ тербиесине урьметсиз бакъма, О, сени огреткенде, рухтан тюшме.
Алланынъ бильгисине къаршы баш котерген эр бир къопайлыкъны ёкъ этемиз, эр бир ниетни эсирге аламыз ве Месихке бойсундырамыз.
Алла акъкъында бильген олсалар да, Онъа Аллагъа ляйыкъ шурет бермедилер, Онъа шукюр этмедилер. Бунынъ ерине бош тюшюнджелерге берильдилер, ве оларнынъ анъламагъан акъылларыны къаранлыкъ къаплады.
Сен Мукъаддес Рухнен, Озь къулунъ олгъан бабамыз Давутнынъ агъзынен айткъансынъ: – Башкъа миллетлер не ичюн исьян котерелер? Халкълар не ичюн бош шейни уйдуралар?
Адамнынъ юреги эр шейден алдатыджы ве пек бозукъ; оны ким анълап олур?
Огълум, РАББИнинъ огютини ред этме ве опькесинден нефретленме.
Мукъаддес булунгъан еринъде Сени корьгеним киби, къудретинъ ве шуретинъни корьмеге истейим.
Не ичюн миллетлер шамата котерелер? Не ичюн халкълар бош шейлерни акъылгъа къоялар?
Алла акъыл огреткен адам не бахтлыдыр, шунынъ ичюн Къудретли Алланынъ тербиесини ред этме.
Лякин РАББИ оларны аджып, мерамет эйледи. Ибраим, Исхакъ ве Якъупкъа берген васиети ичюн, исраиллилерни ёкъ этмеге истемеди ве Озюнден бугуньгедже ред этмеди.
РАББИ исраиллилерге бир къуртарыджы йиберди, исраиллилер арамлыларнынъ укюминден къуртулды, ве эвелькиси киби озь эвлеринде хавфсыз яшап башладылар.
Дувам Сенинъ алдынъа якъылгъан отларнынъ хош къокъусы киби етип барсын, къол котергенлерим акъшам бахшышы киби олсун!
Эй, Исраиль, сен ёкъ оладжакъсынъ. Санъа тек Менден ярдым келир.