Хошеа 4:4 - Мукъаддес Китап

⁴ Амма ич кимсе давалашмасын, ич бир адам башкъасыны къабаатламасын! Сенинъ халкъынъ – руханийни къабаатлагъан халкъ кибидир.

Хошеа 4:4 Referans Kwoze

Къануннынъ текрары 17:12

Ким терс этип, Алланъ олгъан РАББИнинъ огюнде хызмет эткен руханийни я да къадыны динълемесе, о адамны ольдюрмек керек. Бойлеликнен, яманлыкъны Исраильден ёкъ эт.

Амос 5:13

Шунынъ ичюн акъыллы адам бойле вакъыт агъзыны ачмаз, чюнки заман ямандыр.

Хошеа 4:17

Эфраим путларгъа япышты. Быракъ оны!

Амос 6:10

Олюлернинъ эмджеси я да дженазе ичюн джевапкяр адам кемиклерни эвден алып чыкъмагъа кельгенде, эвнинъ янындаки адамдан: «Эвде даа бирев сагъ къалдымы?» – деп сорайджакъ, о да: «Ёкъ», – деп джевап къайтараджакъ. Кельген исе: «Тынч ол! Шимди РАББИнинъ Адыны анъмагъа олмаз», – дейджек.

Ехезкель 3:26

Мен тилинъни танълайынъа япыштыраджагъым, ве сен лаф этип ве оларны къабаатлап оламайджакъсынъ. Олар инат халкътыр!

Йирмея 18:18

Олар исе: – Айдынъыз, Йирмеягъа къаршы келишейик, – дедилер. – Къанун руханийлернен къаладжакъ, насиат акъыллы адамлардан кетмейджек, пейгъамберлер хабер этип береджеклер. Келинъиз, оны лафнен урып йыкъайыкъ, айткъанларына къулакъ асмайыкъ.

Амос 5:10

Сиз исе адалетли суд эткенлерни нефрет этесиз, догърусыны айткъанларны кореджек козюнъиз ёкъ.