Хошеа 4:14 - Мукъаддес Китап

¹⁴ Ороспулыкълары ичюн къызларынъызны джезаламайджагъым, къоранта садыкълыгъыны бозгъанлары ичюн, келинлеринъизни де джезаламайджагъым. Чюнки акъайларынъыз ороспуларнен келише, путханедеки ороспуларнен къурбан чала. Анъламагъан халкъ исе гъайып олып кете!

Хошеа 4:14 Referans Kwoze

Хошеа 4:1

Эй, Исраиль огъуллары! РАББИнинъ сёзюни динъленъиз! РАББИ бу ерде яшагъанларны къабаатлай, чюнки мемлекетте не акъикъат, не мерамет бар, ве адамлар Алланы бильмейлер.

Еудийлерге 12:8

Ич бир адам тербиесиз къалмаз. Эгер сизлер тербиесиз къалсанъыз, сизлер акъикъий огъул дегильсинъиз, сиз – пич балаларсынъыз.

Эфеслилерге 4:18

Оларнынъ акъылларыны къаранлыкъ къаплады; ичиндеки джаиллик ичюн олар Алла берген аяттан айрылып къалдылар, чюнки оларнынъ юреклери пек инаттыр.

1 Коринтлилерге 6:16

Ороспунен яткъан акъай онен бир беден олгъаныны бильмейсизми? Берабер яткъан акъай ве апай бир вуджут оладжакъ, деп язылгъан да.

Римлилерге 3:11

Ич бир акъыллы олгъан, Алланы къыдыргъан кимсе ёкъ.

Юхан 8:43

Айткъанларымны не ичюн анъламайсыз? Чюнки Меним сёзюмни эшитип оламайсыз.

Хошеа 14:9

«Путлар манъа неге керек?» – дейджек Эфраим. Мен оны эшитеджегим ве оны бакъаджагъым. Мен гурь кипарис тереги киби оладжагъым, сен берекетинъни Менден кореджексинъ.

Хошеа 4:17

Эфраим путларгъа япышты. Быракъ оны!

Даниял 12:10

Чокъусы арынаджакъ, темизленеджек ве сынавдан кечеджек. Яман адамлар исе яман ишлерини япа береджеклер. Яманларнынъ ич бири анъламайджакъ, акъыллы адамлар исе анълайджакълар.

Ешая 56:11

Олар тойып оламагъан, ачкозь копеклердир, акъылсыз чобанлардыр, эписи озь ёлуна бакъалар, тек озь файдаларыны тюшюнелер.

Ешая 1:5

Эй, РАББИни эп танымагъанлар! Сизлерни даа къайсы еринъизге урмакъ керек? Башларынъыз бутюн яра! Юреклеринъиз – хаста!

Икметли сёзлер 28:5

Яман адамлар адалетни анъламаз, РАББИни къыдыргъанлар исе оны бутюнлей анълар.

4 Падишалар 23:7

РАББИнинъ Сарайында олгъан эркек путхане ороспуларынынъ эвлерини йыкътырды. Анда апайлар Ашера путуна табынмакъ ичюн чадырларны тиккен эдилер.

3 Падишалар 15:12

О, мемлекеттен эркек путхане ороспуларыны къувып йиберди, баба-деделери япкъан пис путларны ёкъ этти.

Къануннынъ текрары 23:17

Исраиль къызларында ве огъулларында не апай, не акъай путхане ороспулары олмасын.

Хошеа 5:4

Япкъан ишлери оларгъа Алласына къайтмагъа ёл бермейлер, чюнки оларнынъ ичинде ороспулыкъ руху булуна, ве олар РАББИни танымай.

Амос 2:7

Олар ярдымсыз къалгъан адамларны топракъ ичине таптайлар, алчакъгонъюллилерни четке итейлер. Бабасынен огълу бир къадынгъа къатнай, Меним азиз Адымны яманлай.

Амос 7:17

Шунынъ ичюн РАББИ бойле дей: – Апайынъ шеэрнинъ бир ороспусы оладжакъ, огъулларынънен къызларынъ къылычнен ольдюриледжек, сенинъ топрагъынъ ольчю йипинен пай этиледжек, сен исе арам ерде оледжексинъ. Исраиль исе мытлакъа озь мемлекетинден сюргюн этиледжек.

Сайылар 25:3

Исраиль Баал-Пеоргъа табынып башладылар. Бунынъ ичюн РАББИ Исраильге пек гъазапланды.

Ешая 27:11

Къуруп къалгъан пытакълары къопарылалар, къадынлар келип, оларны якъалар. Бу халкъ бир шейни анъламагъаны ичюн, РАББИ оны аджымайджакъ, Яратыджы мерамет эйлемейджек.