Хошеа 2:19 - Мукъаддес Китап

¹⁹ Сен эбедиен меним нишанлым оладжакъсынъ. Акъикъат, адалет, севги ве мераметнен Мен санъа нишанланаджагъым.

Хошеа 2:19 Referans Kwoze

2 Коринтлилерге 11:2

Мен сизлер акъкъынъызда Алла киби къасевет этем, чюнки мен сизлерни Месихке, бир акъайгъа киби, нишанладым ве сизни Онъа темиз къыз оларакъ бермеге истейим.

Сырларнынъ ачылувы 21:2

Мен мукъаддес шеэрни, янъы Ерусалимни корьдим. Киеви алдына безенип чыкъаяткъан келин киби, шеэр коктен, Алланынъ огюнден эне эди.

Ешая 54:14

Сенинъ догърулыгъынъ къавий оладжакъ, зорбалыкъ сенден узакълашаджакъ, ич бир шейден къоркъмайджакъсынъ, дешет де санъа якъынлашмайджакъ.

Зебур 85:10

Сен улусынъ, аджайип шейлер япасынъ. Ялынъыз Сен – Алласынъ.

Римлилерге 7:4

Агъа-къардашларым, сизлер де бойле, Месихнинъ олюми ичюн Къануннынъ огюнде олю олдынъыз ве Алланынъ файдасына берекет бермек ичюн, олюмден тирильген Месихке къошулдынъыз.

Юхан 3:29

Келинни аладжакъ адам – киевдир. Лякин киевнинъ янында тургъан ве оны динълеген досту киевнинъ сесини эшитип пек къувана. Мен де бойле бутюнлей къуванам.

Ехезкель 39:29

Олардан бир даа юзюмни сакъламайджагъым, лякин Рухумны Исраиль халкъына тёкеджегим, – дей РАББИ-ТААЛЯ.

Ешая 1:27

РАББИ Сионны адалетнен, тёвбе эткен огъулларыны акъикъатнен къуртараджакъ.

Ёэль 3:20

Ехудалылар эбедий яшайджакъ, Ерусалим шеэри несильден несильге къаладжакъ.

Ешая 54:5

Сени Яраткъан – акъайынъдыр. Онынъ Ады – Ордуларнынъ РАББИси, Исраильнинъ Азизи – Къуртарыджынъ! Онъа «Бутюн Ер Юзюнинъ Алласы» дейлер!

Йирмея 4:2

РАББИнинъ Адынен ант этип, акъикъатнен, адалетнен ве догърулыкънен ант этеджексинъ; Рабби халкъларгъа яхшылыкъ этеджек, ве олар Оны макътайджакълар.

Ешая 54:6

Къувулгъан ве пешман олгъан апайны киби, айдалгъан яшлыкъ апайыны киби, РАББИ сени арткъа чагъыра:

Ехезкель 16:8

Мен янынъдан кечеяткъанда, сени корьдим. Севги чагъынъ кельген эди. Урбамнынъ этегини устюнъден кердим, ве чыплакъ беденинъни къапаттым. Санъа ант эттим ве санъа васиет бердим. – Бу – РАББИ-ТААЛЯнынъ сёзлери. – Бойлеликнен, сен Менимки олдынъ.

Хошеа 14:4

Ашшур энди бизни къуртармайджакъ, биз бир даа дженк атлары устюне минмейджекмиз. Шимди къолларымызнен япкъан шейлеримизге: «Сиз – бизим аллаларымыз», – айтмайджакъмыз. Оксюз тек Сенде мераметни тападжакъ.

Зекерья 13:2

О куню Мен бу мемлекетте путларнынъ адларыны силип ташлайджагъым, ве олар бир даа анъылмайджакълар, – дей Ордуларнынъ РАББИси. – Бундан гъайры, Мен пейгъамберлерни ве арамлыкъ рухуны да топракътан узакълаштыраджагъым.