Хошеа 13:9 - Мукъаддес Китап

⁹ Эй, Исраиль, сен ёкъ оладжакъсынъ. Санъа тек Менден ярдым келир.

Хошеа 13:9 Referans Kwoze

Йирмея 2:17

Буны озюнъ озюнъе этмединъми, аджеба? Сени ёлда юрсеткен РАББИден, сенинъ Алланъдан вазгечмединъми?

Йирмея 2:19

Озь яманлыгъынъ сени джезалар, хиянетлигинъ сени къабаатлар. Биль де, бакъ: РАББИден, сенинъ Алланъдан вазгечкенинъ – фена ве аджджы бир шей, ичинъде Меним огюмде къоркъунъ ёкъ, – дей Ордуларнынъ РАББИ-ТААЛЯсы.

Къануннынъ текрары 33:26

Ешуруннынъ Алласына ошагъан ёкъ! О, коклер устюнден санъа ярдымгъа Озь Шуретинде булутлар устюнде келе.

Хошеа 14:1

Аллагъа къаршы чыкъкъаны ичюн, Самарие шеэри джезаланаджакъ. Анда яшагъанлар къылычтан оледжек, къучакъ балалары парчаланаджакъ, юклю къадынларынынъ къурсакълары ярыладжакъ.

Йирмея 5:25

Сизден буларны акъсыз япкъанларынъыз алды, бу эйиликни сизден гуналарынъыз узакълаштырды.

Малакий 1:9

– Шимди Аллагъа ялварынъыз, О, сизге мерамет этсин. Лякин сиз бойле япып да, О сизни мераметнен къаршылармы? – дей Ордуларнынъ РАББИси.

Хошеа 13:4

Амма Мен – сени Мысырдан чыкъаргъан РАББИм, сенинъ Алланъ Мен. Санъа Менден гъайры башкъа алланы бильмеге керекмей. Менден гъайры башкъа къуртарыджы ёкътыр.

Ешая 3:11

Яман адамларнынъ башына исе беля! Эткен ишлери ичюн къазангъанларыны кореджек.

Ешая 3:9

Бетлерининъ сымалары оларгъа къаршы шаатлыкъ эте; олар гуналары акъкъында ачыкъ айталар, Содом халкъы киби, гизлемейлер! Вай, джанларына беля! Бу яманлыкъны башларына озьлери тюшюрдилер!

Икметли сёзлер 8:36

Мени тапмагъан исе джанына зарар кетире: менден нефретленгенлер эписи олюмни севелер!»

Икметли сёзлер 6:32

Зина эткен адам акъылдан эксик, буны япкъан адам озь джаныны гъайып эте.

Зебур 146:5

Раббимиз улу ве пек кучьлюдир, Онынъ акъылы ольчюсиз.

Зебур 46:1

Баш чалгъыджы ичюн. Къорах огъулларынынъ зебуры.

Зебур 33:20

Инсафлынынъ белялары чокъ олур, амма РАББИ оны эписинден къуртарыр.

Къануннынъ текрары 33:29

Исраиль, сен не де бахтлысынъ! Санъа ошагъан ким бар? РАББИ къуртаргъан халкъсынъ! О – сени къорчалагъан къалкъанынъдыр ве шуретинънинъ къылычыдыр. Огюнъде душманларынъ ялтакъланалар, сен исе оларнынъ ибадет тёпелерини аякъларынънен басасынъ.

Йирмея 4:18

Бунынъ эписини башынъа арекетлеринъ ве япкъанларынъ тюшюрдилер. Яманлыгъынъ аджджы джеза кетирди, юрегинъни урды.

Малакий 1:12

– «Раббиге кетирильген къурбанлар бир шей дегиль, бахшышлардан кельген файда да олмайджакътыр», – деп, сиз РАББИнинъ Адыны яманлайсынъыз.

Малакий 1:13

Сиз даа: «Не де агъырлыкъ бу! Бездик бу иштен!» – деп, ондан бет чевиресинъиз, – дей Ордуларнынъ РАББИси. – Сиз къурбан оларакъ хырсызлангъан, топал ве хаста айванларны алып кетиресинъиз, бахшышларны бересинъиз. Мен буны элинъизден къабул этейимми? – дей РАББИ.

2 Тарих вакъиалары 28:23

Ахаз, оны енъген Дамаск халкъы табынгъан аллаларгъа къурбанлар чалды. О, бойле деди: «Арам падишаларынынъ аллалары оларгъа ярдым этелер. Эгер мен де оларгъа къурбан кетирсем, олар манъа да ярдым этерлер». Лякин олар Ахазны ве бутюн Исраильни ёлдан урдылар.

Хошеа 7:14

Олар тёшеклеринде агълагъанда, джан-юректен Менден ярдым сорамай. Отьмек ве шарап ичюн топланалар, Менден исе узакълашалар.

Хошеа 7:15

Мен оларгъа акъыл огреттим, къолларына кучь бердим, олар исе Манъа къаршы яманлыкъ тюшюнди.