Хошеа 11:1 - Мукъаддес Китап

¹ Танъ агъаргъанда, Исраильнинъ падишасы мытлакъа гъайып оладжакъ. Исраиль яш бала олгъанда, Мен оны пек севдим. Мен огълумны Мысырдан чагъырдым.

Хошеа 11:1 Referans Kwoze

Матта 2:15

Олар, Ирод ольгендже, анда къалдылар. Бойледже, бу шей, Раббининъ: «Мен Огълумны Мысырдан чагъырып алдым», – деп, пейгъамбер аркъалы айткъан сёзю беджерильмеси ичюн олды.

Чыкъыш 4:22

Фыравунгъа РАББИнинъ бойле сёзлерини айт: «Исраиль – Меним биринджи догъгъан огълумдыр. Мен санъа бойле айтам: Огълумны, Манъа ибадет этсин деп, йибер. Эгер йибермесенъ, Мен сенинъ огълунъны, биринджи догъгъан огълунъны ольдюририм», – деди.

Хошеа 13:4

Амма Мен – сени Мысырдан чыкъаргъан РАББИм, сенинъ Алланъ Мен. Санъа Менден гъайры башкъа алланы бильмеге керекмей. Менден гъайры башкъа къуртарыджы ёкътыр.

Хошеа 2:15

Анда онъа юзюмликлерни береджегим, Акъор вадийини онынъ ичюн умют къапусы япаджагъым. Анда о, яшлыгъында киби, Мысырдан чыкъкъан куньлерде киби, тюркюлер йырлайджакъ.

Йирмея 2:2

– Бар, Ерусалим халкъына беян эт: РАББИ бойле айта: – Акъылымда тутам ки, яшлыгъынъда Манъа ишанчлы эдинъ, Мени, келин киби, севдинъ, Меним артымдан сахрагъа, сачылмагъан топракъкъа кеттинъ.

Малакий 1:2

– Мен сизни севем, – дей РАББИ. – Сиз исе: «Бизни насыл севесинъ?» – деп сорарсынъыз. Исав Якъупнынъ агъасы дегиль эдими? – дей РАББИ. – Мен Якъупны севдим.

Хошеа 12:13

РАББИ Исраильни пейгъамбернинъ ярдымынен Мысырдан чыкъарды, пейгъамбернинъ ярдымынен О, оларны къорчалай эди.

Ехезкель 16:6

Мен янынъдан кечип кете эдим, сени къан ичинде чапаланып яткъанынъны корьдим. Къанлар ичинде яткъанынъда, Мен санъа: «Сен яшарсынъ!» – дедим. Къанлар ичинде олгъанынъда, Мен санъа: «Сен яшарсынъ!» – дедим.

Къануннынъ текрары 7:7

РАББИ сизни севгени ве сайлагъанынынъ себеби – сизинъ эписи халкълардан чокъ сайылы олгъанынъыз ичюн дегиль. Аксине, сен эписи халкълардан аз сайылы эдинъ.

Хошеа 12:9

Амма Мен, Мысырдан башлап, – сенинъ Алланъ олгъан РАББИм, байрам куньлеринде киби, сени бир даа чадырларда ерлештиреджегим.

Зебур 129:1

Я РАББИ, теренликтен мен Сени чагъырдым.

Йирмея 12:7

Эвимни ташлап кеттим, къысметим олгъан халкъымны къалдырдым, душманларнынъ къолуна джанымнынъ къуванчыны бердим.

Хошеа 10:15

Эй, Бет-Эль, буюк яманлыгъынъ ичюн, башынъа да айнысы тюшеджек.

Чыкъыш 19:4

«Сиз мысырлыларгъа нелер япкъанымны, сизни къартал къанатларында киби ташып, Озюме кетиргенимни корьдинъиз.

Къануннынъ текрары 33:3

О, халкъыны керчектен севе. Эписи азизлер Сенинъ къолунъда, олар аякъларынъда топлашалар, айткъанларынъа къулакъ асалар.

Ешая 43:4

Сен козюмде дегерли ве пек сайгъылысынъ, Мен сени севем. Сенинъ ичюн башкъа адамларны, джанынъ ичюн халкъларны береджегим.

Ехезкель 16:22

Бутюн бу писликлеринъни ве ороспулыгъынъны этип, сен яшлыкъ куньлеринъни, чыр-чыплакъ олгъанынъны, къанлар ичинде чапалангъанынъны акъылынъа кетирмединъ.