Хошеа 10:5 - Мукъаддес Китап

⁵ Самариеде яшагъанлар Бет-Авендеки бузавнен олгъаныны корип къоркъаджакъ. Халкъ онынъ артындан зар чекеджек. Онъа къуванчнен ибадет эткен руханийлер шурети ондан айырылгъаны ичюн агълайджакъ.

Хошеа 10:5 Referans Kwoze

Хошеа 9:11

Эфраимлилернинъ шурети, бир къуш киби, учып кетеджек. Олар не юкке къаладжакъ, не юклю оладжакъ, не бала тападжакъ.

Хошеа 5:8

Гива шеэринде бору чалынъыз, Рама шеэринде боразан чалынъыз, Бет-Авенде дженкке чагъырынъыз: «Огге, Биньямин! Биз артынъдан кетемиз!»

Хошеа 4:15

Эй, Исраиль, сен ороспулыкъ этсенъ де, Ехуда гуна къазанмагъайды. Гилгал шеэрине барманъыз, Бет-Авен шеэрине чыкъманъыз, Тири РАББИнен ант этменъиз.

4 Падишалар 23:5

Сонъ о, пут руханийлерини ёкъ этти. Ехуда падишаларынынъ тарафындан къоюлып, олар ибадет тёпелеринде, Ехуда шеэрлеринде ве Ерусалим этрафларында Баал, кунеш, ай, йылдыз такъымларына ве коклернинъ бутюн ордусына къокъулы отларны якъкъан эдилер.

Хошеа 13:2

Шимди де олар гунагъа гуна къошалар, кумюшини ирите ве озьлерине, акъыллары еткенине коре, путларны япалар. Усталар путларнынъ эписини ясайлар ве: «Къурбан кетирген адам бузав путуны опьсюн!» – дейлер.

Фаалиет 19:27

Бу шейден тек бизим зенаатымыз итибарсыз олып къалмайджакъ, бундан гъайры бутюн Кучюк Асия ве бутюн дюнья ибадет эткен улу алла Артемиснинъ ибадетханеси де бош шейге айланып, онынъ улулыгъы да ёкъ оладжакъ, – деди.

Цефанья 1:4

– Мен Ехудагъа ве Ерусалимде яшагъанларгъа къаршы чыкъаджагъым ве шу ерде Баалгъа ибадет ерининъ изини биле къалдырмайджагъым, путларгъа табынгъан руханийлернинъ адларыны да силеджегим.

2 Тарих вакъиалары 11:15

ибадет тёпелеринде хызмет этмеге озь руханийлерини къойды. Олар о япкъан теке ве бугъа путларына да хызмет эттилер.

4 Падишалар 17:16

Олар РАББИ олгъан Алласынынъ бутюн эмирлерини ред эттилер, озьлерине эки дане маденден ясалгъан бугъа ве Ашера путуна табынма дирегини яптылар, бутюн коклернинъ ордусына табындылар ве Баалгъа хызмет эттилер,

4 Падишалар 10:29

Амма, Исраильни гуналаргъа батыргъан Неват огълу Еровоамнынъ гуналарындан вазгечмеди, Бет-Эльдеки ве Дандаки алтын бузавлардан вазгечмеди.

Къадылар 18:24

Микъа оларгъа джевап берип: – Сизлер мен яптыргъан аллаларымны алып кеттинъиз, руханийимни де алып кеттинъиз, – деди. – Меним бир шейим къалмады! Даа да: «Не олды?» – деп сорайсызмы? – деди.

Нун огълу Ехошуа 7:2

Ехошуа Ерихондан бир къач адамларны Ай шеэрине ёллады. Ай шеэри Бет-Эльнинъ шаркъ тарафында, Бет-Авен шеэрининъ янында эди. О, оларгъа: – Барынъыз да, о топракъны огренип келинъиз, – деди. Олар кетип, Ай акъкъында билип кельдилер.

2 Тарих вакъиалары 13:8

Сизлер пек чокъ олгъанынъыз ве сизде Еровоам япкъан аллалар, алтын бугъалар олгъаны ичюн, шимди сиз Давут огъулларынынъ къолларына берильген РАББИнинъ падишалыгъына къаршы чыкъмагъа тюшюнесинъиз.

Ешая 46:2

Берабер баш эгип, бель буктилер, юклерини къорчалап оламадылар, озьлери сюргюнликке кеттилер.

Хошеа 9:1

Эй, Исраиль, къуванма! Башкъа халкълар киби, чокъ севинме! Сен озь Алланъдан вазгечкенинънен, ороспу олдынъ, эр бир арманда ороспулыгъынъ ичюн къазанч алмагъа бегендинъ.

Амос 3:14

– Бир кунь Мен Исраильни гуналары ичюн джезалайджагъым, Бет-Эльдеки къурбан ерлери ичюн де джезалайджагъым. Къурбан ерининъ бойнузлары кесиледжек ве ерге тюшеджек.