Хошеа 10:2 - Мукъаддес Китап

² Ичлери ялангъа толды, онынъ ичюн олар къабаатланаджакъ. РАББИ къурбан ерлерини йыкъаджакъ, пут ташларыны ёкъ этеджек.

Хошеа 10:2 Referans Kwoze

Микъа 5:13

Мен сенинъ путларынъны, сен табынгъан таш путларынъны къырып ташлайджагъым. Бир даа къолларынънен япылгъан путларгъа табынмайджакъсынъ.

3 Падишалар 18:21

Ильяс бутюн халкъкъа якъынлашып: – Сиз даа не къадар бир ерден экинджисине чапкъалап юреджексиз? Эгер РАББИ Алла олса, Онынъ пешинден юрюнъиз. Эгер Баал олса, онынъ пешинден барынъыз, – деди. Халкъ бир сёз биле джевап къайтармады.

Якъуп 4:4

Эй, Алладан вазгечкен адамлар, дюньянен дост олгъаны Аллагъа душман олгъаныны бильмейсизми? Шунынъ ичюн, дюньянен дост олмагъа истеген адам Аллагъа душман ола.

Якъуп 1:8

Онынъ акъылы экиге болюнген, о, бутюн ишлеринде де буны, де башкъасыны истей.

Цефанья 1:5

Эм эвлернинъ тёпелеринде коклернинъ ордусына ибадет эткенлерни, эм РАББИге садыкълыгъына ант этип, шу аньде Милкъомгъа садыкъ къалгъанларны,

Лука 16:13

Бирден эки эфендиге ич бир хызметчи хызмет эталмаз. О, я бирисинден нефретленип, башкъасыны север, я да бирисине садыкъ олып, башкъасыны кореджек козю олмаз. Сиз де эм Аллагъа, эм зенгинликке хызмет этип оламайсыз, – деди.

Матта 6:24

Эки эфендиге кимсе хызмет эталмаз. Я бирисинден нефретленип, башкъасыны север, я бирисине садыкъ олып, башкъасыны кореджек козю олмаз. Сиз эм Аллагъа, эм зенгинликке хызмет этип оламайсыз.

Зекерья 13:2

О куню Мен бу мемлекетте путларнынъ адларыны силип ташлайджагъым, ве олар бир даа анъылмайджакълар, – дей Ордуларнынъ РАББИси. – Бундан гъайры, Мен пейгъамберлерни ве арамлыкъ рухуны да топракътан узакълаштыраджагъым.

Хошеа 7:8

Эфраим халкъы башкъа халкъларнен къарышты, Эфраим чевирильмеген отьмекке ошады.

Йирмея 43:13

Мысыр топрагъындаки Бет-Шемеш шеэринде тургъан диреклерни йыкъаджакъ, Мысыр аллаларынынъ эвлерини атеште якъаджакъ.

Ешая 44:18

Бойле сойлары бир шей бильмез, бир шейни анъламаз. Козьлери кёр, ич бир шейни корьмейлер, акъыллары къапалы, ич бир шейни анъламайлар.

1 Падишалар 5:4

Эртеси куню кене саба турып, бакъсалар, Дагон ерде бети устюнде РАББИнинъ Сандыгъы огюнде авдарылып ята. Дагоннынъ башы ве къоллары парчаланып, босагъада айры-айры яталар, Дагоннынъ тек кевдеси къалгъан.

1 Юхан 2:15

Дюньяны ве дюньядаки шейлерни севменъиз. Ким дюньяны севсе, онынъ ичинде Бабанынъ севгиси булунмай.

Хошеа 3:4

Исраиллилер чокъ вакъыт ичинде падишасыз, ёлбашчысыз яшайджакъ. Оларнынъ не къурбанлары, не къурбан ери, не эфод, не эв путлары оладжакъ.

Хошеа 12:11

Гилад шеэринде яманлыкъ бармы? Олар мытлакъа гъайып оладжакъ! Гилгал шеэринде бузавларны къурбан чалалармы? Къурбан ерлери тарла меджасындаки таш обаларына чевириледжек.

Чыкъыш 23:24

Сиз оларнынъ аллаларына табынманъыз, оларгъа хызмет этменъиз, ишлеринден орьнек алманъыз. Оларны парлап-парчаланъыз, пут ташларыны йыкъынъыз.

Левийлилер 26:30

Ибадет тёпелеринъизни ёкъ этеджегим, къокъулы отларны якъув ерлеринъизни йыкъарым, олюлеринъизни сизинъ йыкъылгъан путларынъызгъа атаджагъым ве сизден юзюмни чевиреджегим.

Икметли сёзлер 11:18

Яман адамнынъ къазанчы яландыр, акъикъатны сачкъан адам исе ишанчлы мукяфатны джыя.

Ехезкель 14:5

Исраиллилер юреклеринде анъласынлар, путлары себебинден олар Манъа ят-ябан олдылар».