Хошеа 10:10 - Мукъаддес Китап

¹⁰ Истегиме коре Мен оларны джезалайджагъым. Халкълар оларгъа къаршы топланаджакъ ве оларны эки къабааты ичюн зынджырларнен багълайджакъ.

Хошеа 10:10 Referans Kwoze

Ехезкель 5:13

Бундан сонъ гъазабым сёнеджек, ачувым ятышаджакъ, ве о заман Мен къанаатленеджегим. Оларнынъ башларына гъазабымны тюшюргенимден сонъра, олар биледжеклер ки, Мен – РАББИм, мераметнен оларнен лаф эттим.

Хошеа 4:9

Халкънен оладжакъ шейлер руханийлернинъ башына да тюшеджек. Мен оларны арекетлери ичюн джезалайджагъым, япкъанлары ичюн акъларыны къайтараджагъым.

Йирмея 16:16

– Энди оларны тутмагъа чокътан-чокъ балыкъчыларны ёллайым, – дей РАББИ. – Сонъ чокътан-чокъ авджыларны ёлларым да, оларны эр дагъдан, эр байырдан, эр къаянынъ чатлакъларындан къуваларлар.

Матта 22:7

Падиша пек ачувлана. Аскерлерини ёллап, адам ольдюрген джинаетчилерни ёкъ этип, шеэрни кульге чевире.

Хошеа 8:10

Олар халкъларгъа бахшышларны йиберсе де, энди Мен оларны бир ерге топлайджагъым, ве олар къудретли падишанынъ къатты къолу алтында чекишмеге башлайджакъ.

Хошеа 8:1

Бору чалынъыз! Исраиллилер васиетимни бозгъанлары ичюн, Къануныма къаршы чыкъкъанлары ичюн, душманлар, къартал киби, РАББИнинъ Эвине келеджек.

Ехезкель 23:46

РАББИ-ТААЛЯ шойле дей: Оларгъа къаршы халкъны топла, олар къоркъсунлар, оларны чайпап таласынлар.

Ехезкель 23:9

Шунынъ ичюн Мен оны ойнашларынынъ къолларына, о истеген ашшурлыларнынъ къолларына бердим.

Ехезкель 16:42

Бундан сонъ Меним санъа къаршы гъазабым кесиледжек, куньджюлигим ятышаджакъ. Мен тынчланып, башкъа ачувланмайджагъым.

Ехезкель 16:37

Шунынъ ичюн зевкъ чатып кейфленген ойнашларынъны топлайджагъым, эр бир севгенлеринъни де, эр бир нефрет эткенлеринъни де эписини топлайджагъым. Эписини санъа къаршы топлайджагъым, оларгъа сенинъ чыплакълыгъынъны косьтереджегим, олар сенинъ эписи айып ерлеринъни корьсюнлер.

Йирмея 21:4

Исраильнинъ Алласы, РАББИ бойле дей: Бакъынъыз, къолунъыздаки дженк алетлеринъизни сизден аладжагъым, диварларынъызны алкъагъа алгъан Вавилон падишасына ве къасдийлилерге къаршы дженк эткен силяларынъызнынъ эписини бу шеэрнинъ ортасында топлайджагъым.

Йирмея 15:6

Сен Мени ташлап кеттинъ, – дей РАББИ, – Манъа аркъанъны чевирдинъ. Мен къолумны санъа къаршы котерип, сени гъайып этеджегим. Сени аджымакътан ёрулдым.

Ешая 1:24

Онынъ ичюн Рабби, Ордуларнынъ РАББИси, Исраильнинъ Кучьлюси бойле дей: – Вай-вай-вай… Манъа къаршы чыкъкъанларны енъеджегим, душманларымны джезалайджагъым!

Къануннынъ текрары 28:63

Сизге яхшылыкъ япкъанда ве сизни чокълаштыргъанда, РАББИ пек севинген эди. Сизни ёкъ эткенде ве сизни къыргъанда да ойле пек севинеджек. Саип олмакъ ичюн кетеяткъан топракътан сен чекип чыкъарыладжакъсынъ.

Хошеа 10:9

Эй, Исраиль, Гива куньлеринъден башлап, сен чокъ гуна яптынъ. Ойле де къалдынъ. Амма Гивада гунакярларгъа къаршы дженк башларына тюшмедими?

3 Падишалар 12:28

Сонъ падиша акъыл танышып, эки алтын тана яптырды ве халкъкъа: – Сизлерге Ерусалимге кетмеге кереги ёкъ. Исраиль, мына сени Мысыр топрагъындан алып чыкъкъан аллаларынъ, – деди

Эюп акъкъында китап 39:10

Сабаннен баразна ачсын деп, оны йипнен багълап олурсынъмы? Артынъдан кетип, топракъны уфатырмы?

Хошеа 4:19

Ель оларны учурып кетеджек, олар путларгъа кетирильген къурбанларындан утанаджакъ.