Хавакъкъукъ 3:8 - Мукъаддес Китап

⁸ Я РАББИ, гъазабынъ озенлерге эдими? Озенлерге ачувландынъмы ёкъса? Ачувынъ денъизге къозгъадымы? Не ичюн Сен атларынъа миндинъ, душманларны енъеджек арабаларынъда бардынъ?

Хавакъкъукъ 3:8 Referans Kwoze

Зебур 68:17

Манъа джевап бер, я РАББИ! Сенинъ севгинъ эйидир, шефкъатынъ буюклигинде манъа айлан.

Ешая 50:2

Мен кельгенимде, не ичюн кимсе ёкъ эди? Чагъыргъанымда, не ичюн кимсе джевап бермеди? Сизлерни къуртармакъ ичюн, къолум къыскъардымы, аджеба? Сизлерни къорчаламакъ ичюн, кучюм биттими? Бакъынъыз! Сертнен къычыргъанымда, денъиз къуруй, озенлер сахрагъа чевириле, сув етмегенинден балыкълар оле ве сасый.

Зебур 114:5

РАББИ рахман ве адалетлидир, Алламыз мераметлидир.

Зебур 114:3

Олюм багълавлары мени сарды, джеэннем азаплары башыма тюшти, сыкъынты ве беля мени басып алды.

Зебур 18:10

РАББИден къоркъмакъ – темиз ве эбедийдир, РАББИнинъ къарарлары керчек ве бутюнлей догърудыр.

Марк 4:39

Иса уянып, еринден турды да, фуртуна елине: – Токъта! – деди ве гольге тынчланмагъа эмир этти. Шу ань ель тынды, гольге тынчлыкъ чёкти.

Хавакъкъукъ 3:15

Сен исе атларынънен денъизни кечтинъ, буюк сувларнынъ далгъаларыны копюрттинъ.

Нахум 1:4

Денъизге эмир этсе, денъиз къуруй, бутюн озенлер къуруп кете, Башан ери ве Къармел дагълары сола, Ливаннынъ чечеклери ренкини джоя.

Ешая 19:1

Мысыр акъкъында пейгъамберлик. Иште, РАББИ енгиль булуткъа отурып, Мысыргъа келе! Мысырнынъ путлары Онынъ юзюнден къалтырай, мысырлыларнынъ юреги къопып кете.

Зебур 104:3

Мукъаддес Адынен макътанынъыз, РАББИни къыдыргъанларнынъ юреги къувансын!

Зебур 68:4

Мен фигъан котерип, болдурдым, тамагъым къуруп къалды. Алланы беклей-беклей, козьлерим зайыфлашты.

Сырларнынъ ачылувы 19:14

Онынъ артындан беяз атлар устюнде коклернинъ ордулары кете эдилер. Оларнынъ эписи беяз, ап-акъ индже кетен кийген эди.

Сырларнынъ ачылувы 19:11

Ондан сонъ кок ачылып, мына, бир беяз ат тургъаныны корьдим. Атлынынъ Ады Ишанчлы ве Акъикъий эди. О, адалетли суд ве дженк эте.

Сырларнынъ ачылувы 16:12

Алтынджы мелек озь пиаласыны буюк Фират дерьясына тёкти. Куньдогъуштаки падишаларгъа ёл ачылсын деп, дерьянынъ суву къуруды.

Сырларнынъ ачылувы 6:2

Мен бакъсам, бир беяз атны, устюнде яйы олгъан атлыны корьдим. Онъа бир тадж берильген. О, енъиджи олып, душманларны енъмеге чыкъты.

Зебур 45:4

Сувлар шувулдап, копюрильсе де, дагълар фуртунадан титресе де, биз къоркъмамыз! Сэла

Чыкъыш 7:20

Муса ве Харун, РАББИ оларгъа насыл эмир эткен олса, ойле де яптылар. Харун фыравуннынъ ве къулларынынъ козьлери огюнде озь таягъыны котерип, дерья сувуна урды, ве дерьядаки бутюн сув къангъа айланды.

Чыкъыш 7:19

Сонъ РАББИ Мусагъа бойле деди: – Агъанъ Харунгъа айт, таягъыны алып, къолуны Мысыр топрагъынынъ сувларына: онынъ озенлерине, сув акъымларына, голлерине ве эписи хавузларына тараф котерсин. Олар къангъа айланырлар, бутюн Мысыр топрагъындаки эм таш, эм агъач савутларында къан олур.

Чыкъыш 14:16

– Сен исе, таягъынъны котерип, къолунъны денъизге тараф узатып, оны экиге боль. Исраиллилер денъизнинъ ортасында олгъан топракъ устюнден кечерлер.

Зебур 77:16

О, къаядан сувларны акъыздырды, олар озенлер киби акъып кетти.

Ешая 66:15

Бакъынъыз, РАББИ атеште келир, Онынъ арабалары – боран кибидир. О, гъазапнен джезалайджакъ, алевли атешни ёллап, серт къычыраджакъ.