Хагъгъай 1:8 - Мукъаддес Китап

⁸ Дагъларгъа чыкъыныз, агъач кетиринъиз, Меним Эвимни гъайрыдан къурунъыз. Сонъра анда Меним разылыгъым ве Шуретим оладжакъ, – дей РАББИ.

Хагъгъай 1:8 Referans Kwoze

Узеир 3:7

Сонъра ташчыларгъа ве дюльгерлерге кумюш тёлеп башладылар. Ливандан кедр тереклерини денъизнен Яффагъа кетирсин деп, тирлилерге ве сидонлыларгъа аш-сув ве зейтюн ягъы берип башладылар. Фарс падишасы Кореш бунъа разылыкъ берген эди.

2 Тарих вакъиалары 7:16

Шимди, Меним Намым мында эбедиен олсун деп, Мен бу Эвни сайладым ве оны азиз эттим. Меним козьлерим ве юрегим эр вакъыт мында оладжакъ.

Хагъгъай 2:7

Мен бутюн халкъларны тепретеджегим! Эписи миллетлернинъ къыйметли шейлери мында кетириледжек! Мен бу Эвни шан-шуретнен толдураджагъым! – дей Ордуларнынъ РАББИси.

3 Падишалар 9:3

РАББИ онъа бойле деди: – Мен сенинъ дуванъны ве Менден сорагъан ялварувынъны эшиттим. Меним Намым мында эр вакъыт булунмакъ ичюн, сен къургъан бу Сарайны Мен азиз эттим. Меним козюм ве юрегим даима анда оладжакъ.

Чыкъыш 29:43

Анда исраиллилернен корюширим, Меним Шуретим бу ерни мукъаддес этер.

Хагъгъай 2:9

– Бу сонъки Эвнинъ шан-шурети эвелькисинден буюк оладжакъ! – дей Ордуларнынъ РАББИси. – Шу ерде Мен тынчлыкъ-аманлыкъ береджегим! Бу – Ордулар РАББИсининъ сёзлери.

Ешая 66:11

Бала анасынынъ кокюсинден ашап-тойып теселли алгъан киби, сиз де шеэрнинъ шуретинден зевкъ сюреджексинъиз.

Ешая 60:13

Ливаннынъ шуретини – кипарислер, къарагъач ве чам тереклерини, – бирликте санъа кетиреджеклер, оларнен Мукъаддес Еримни безетеджеклер, ве Мен аякъ баскъан еримни шуретлейджегим.

Ешая 60:7

Сенде Кедарнынъ эписи къой-эчкилери топлашаджакъ, санъа Невайотнынъ къочкъарларыны кетиреджеклер, къурбан еримде олар Мен бегенген къурбанлар оладжакълар, ве Мен дюльбер Эвимни шан-шурет этеджегим.

Узеир 6:4

Учь сыра буюк таш ве бир сыра агъачтан олсун. Бутюн масрафлар падиша сарайындан тёленсин.

3 Падишалар 6:1

Исраиль огъуллары Мысыр топрагъандан 480 йыл кечкенинден сонъра, Сулейманнынъ Исраильде падишалыгъынынъ дёртюнджи йылы, йылнынъ экинджи Зив айында, Сулейман РАББИге Сарай къурып башлады.

Хагъгъай 1:7

Ордуларнынъ РАББИси шойле дей: – Япкъан ишлеринъизни яхшы тюшюнинъиз.

1 Тарих вакъиалары 22:19

Шунынъ ичюн джан-юректен Алланъыз олгъан РАББИни къыдырынъыз. РАББИ олгъан Аллагъа Азиз Ер къурунъыз. РАББИнинъ Намы ичюн къуруладжакъ эвге РАББИнинъ Васиет Сандыгъыны ве Алланынъ азиз савутларыны къоюнъыз.