Къануннынъ текрары 8:12 - Мукъаддес Китап

¹² Ашап-тойгъанынънен, яхшы эвлер къурып, оларда яшагъанынънен,

Къануннынъ текрары 8:12 Referans Kwoze

Икметли сёзлер 30:9

Ёкъса боллукъ корип, мен: «Кимдир о РАББИ?» – айтарым да, Сенден ред этерим, я да фукъарелешип, хырсызлыкъкъа урулырым ве Алламнынъ Адыны лекелерим.

Къануннынъ текрары 32:15

Ешурун семиз олгъан ве тепе башлагъан. Семиз олгъансынъ, шишманлангъансынъ, толушкъансынъ! Сонъ оны яраткъан Алланы къалдыргъан, озь къуртулыш Къаясындан игренген.

Къануннынъ текрары 28:47

Эр шейинъ бол олгъанда, къуванчнен джан-юректен Алланъ олгъан РАББИге хызмет этмегенинъ ичюн,

Лука 17:28

Лутнынъ куньлеринде де ойле олды: адамлар ашап-иче, алыш-вериш япа, сача ве къуруджылыкънен мешгъуль ола эдилер.

Хагъгъай 1:4

– Бу Эв йыкъылып яткъанда, сиз гузель эвлерде яшагъанынъыз яхшымы?

Амос 5:11

Сиз фукъарелерни таптайсынъыз, олардан богъдай бергисини аласынъыз. Шунынъ ичюн паалы таш эвлер къурарсыз, лякин анда яшамазсыз, гузель юзюм багъларыны сачарсыз, лякин оларнынъ шарабыны ичмезсиз.

Джемаат башы 2:4

Буюк ишлер яптым мен: озюме эвлер къурдым, юзюм багъларыны сачтым.

Къануннынъ текрары 31:20

Мен баба-деделерине ант эткеним киби, оларны сютнен бал акъкъан топракъкъа кирсетеджегим. Олар тойып ашагъан сонъ, семиз оладжакълар, башкъа аллаларгъа айланып, оларгъа хызмет этеджеклер. Олар Мени терк этеджеклер ве васиетимни бозаджакълар.

Ехезкель 11:3

Олар: «Эвлер къурмакъ вакъты узакъмы? Биз бу шеэрде, къазандаки эт киби сакълымыз», – дейлер.

Къануннынъ текрары 8:13

туварлар ве къой-эчкилеринъ чокълашкъанынен, кумюш ве алтынларынъ чокъ олгъанынен, – сенинъ бутюн мал-мулькюнъ бол олгъанынен,

Къануннынъ текрары 6:10

Шу топракъта сен къурмагъан балабан ве яхшы шеэрлер, сен толдурмагъан чешит мал-мулькке толу олгъан эвлер, сен къаядан кесмеген къуюлар, сен сачмагъан юзюмликлер ве зейтюн тереклери бар. РАББИ бу топракъны Ибраим, Исхакъ ве Якъуп деделеринъизге бермеге ант эткен. Алланъ олгъан РАББИ сени бу топракъкъа алып кельгенинен ве сен анда тойгъандже ашагъанынънен,