Къануннынъ текрары 3:11 - Мукъаддес Китап

¹¹ Башаннынъ падишасы Ог сонъки рефалы эди. Онынъ демирден япылгъан тёшегининъ узунлыгъы дёрт бучукъ метр, кенълиги эки метр эди. О, шимди де аммонлыларнынъ къолунда, Рабба шеэриндедир.

Къануннынъ текрары 3:11 Referans Kwoze

Башланув 14:5

Он дёртюнджи йылы Кедорлаомер ве онен олгъан падишалар келип, Аштерот-Къарнаимде рефалыларны, Хамда зузлыларны, Шаве-Кирьятаимде эмлилерни,

Йирмея 49:2

Онынъ ичюн, – дей РАББИ, – ойле куньлер келеяталар ки, Аммон огъулларынынъ Рабба шеэринде дженк давушлары эшитиледжек, Рабба бакъымсыз байыргъа чевириледжек янындаки шеэрлери якъыладжакъ, ве исраиллилер эвельки сабыларына башлыкъ этеджеклер, – дей РАББИ.

2 Падишалар 12:26

Ёав аммонлыларнынъ Рабба шеэрине къаршы дженк этти ве падишанынъ шу баш шеэрини мына-мына запт этеджек эди.

Амос 2:9

Мен оларнынъ огюнде аморлыларны ёкъ эттим. Олар кедр тереги къадар бойлу, эмен къадар кучьлю олсалар да, Мен тёпесинден махсулыны, тюбюнден тамырларыны къуруттым.

Амос 1:14

Рабба шеэрининъ диварларында атеш якъаджагъым, о, къавийлештирильген сарайларыны якъып ташлайджакъ. О уруш куню адамлар чокъ багъыраджакъ, уджюм куню боран къутураджакъ.

Ехезкель 21:20

Къылыч аммонлыларнынъ Рабба шеэрине кетеджек ёлны бельгиле. Эм де экинджи ёлны – Ехудагъа, къавийлештирильген Ерусалимге кетеджек ёлны бельгиле.

2 Падишалар 11:1

Падишалар дженк сеферлерине чыкъаджакъ заманы кене кельгенде, Давут Ёавны, озь хызметчилерини ве эписи исраилли аскерлерни дженкке ёллады. Олар аммонлыларны енъип, Рабба шеэрини эр тарафтан сардылар. Давут исе Ерусалимде къалды.

1 Падишалар 17:4

Фелестинлилернинъ ордусындан, Гъат шеэринден олгъан Гольят деген курешчи чыкъты. Онынъ бою учь метр ве бир къарыш эди.

Къануннынъ текрары 2:20

(Шу топракъны даа рефалыларнынъ топрагъы деп сая эдилер. Бир заманда олар анда яшай экен. Аммонлылар исе оларны замзумлылар деп адландыралар.

Къануннынъ текрары 2:11

Адамлар оларны, анакълыларны киби, рефалылар деп сая эдилер. Моавлылар исе оларгъа эмлилер дейлер.

Сырларнынъ ачылувы 21:17

Мелек шеэрнинъ диварларыны да ольчеди, о, адамлар ольчюсинде де, мелеклер ольчюсинде де 72 метр чыкъты.

Нун огълу Ехошуа 12:4

Онынъ къомшусы Башан падишасы Ог. О, рефалылардан сонъкиси олып, Аштарот ве Эдрей шеэринде яшады.

Нун огълу Ехошуа 13:12

Башандаки Огнынъ бутюн падишалыгъы. (Ог Аштарот ве Эдрей шеэрлеринде падишалыкъ эткен эди. Муса енъип къувалагъан рефалылардан о бир озю къалгъан эди.)

Ехезкель 25:5

Рабба шеэрини девелер отлагъан ер япаджагъым, аммонлыларнынъ топрагъыны исе къойларнынъ раатлангъан ери япаджагъым. О заман Мен – РАББИ олгъанымны билирсинъиз.

Башланув 6:15

Онынъ узунлыгъы 150 метр, кенълиги 25 метр, юксеклиги де 15 метр олсун.