Къануннынъ текрары 23:3 - Мукъаддес Китап

³ Аммонлыларгъа ве моавлыларгъа РАББИнинъ джемаатына кирмеге олмаз. Оларнынъ онунджы несилине биле ич бир вакъыт РАББИнинъ джемаатына кирмеге олмаз.

Къануннынъ текрары 23:3 Referans Kwoze

Нехемья 13:23

Шу куньлерде ехудалылар кене ашдодлы, аммонлы ве моавлы къызларгъа эвленгенлерини корьдим.

Нехемья 4:7

Санбаллат, Товья, араплар, аммонлылар ве ашдодлылар Ерусалим диварларынынъ тикленгени акъкъында, диварнынъ тешиклери къапатылгъаны акъкъында хабер алып, пек ачувландылар.

Нехемья 4:3

Онынъ янында олгъан аммонлы Товья исе: – Айды шуларны, къой, къура берсинлер. Бир тильки диварларына чыкъса, оларнынъ таш диварларыны бозар, – деди.

Рут акъкъында китап 4:6

Догъмуш: – Онъа аркъа олмагъа имкяным ёкъ, ёкъса мен мирасымны бозаджагъым. Сен онынъ аркъасы ол. Мен исе онынъ аркъасы олып оламайым, – деди.

Ешая 56:3

РАББИге инангъан ябанджы: «РАББИ мени Озь халкъындан айырды», – айтмасын, пичильген киши де: «Мына, мен къуру бир тереким», – демесин.

Матта 5:43

‌Сиз: «Якъынынъны сев ве душманынъдан нефретлен», – денильгенини эшиттинъиз.

Къануннынъ текрары 23:2

Пич балагъа РАББИнинъ джемаатына кирмеге олмаз. Онынъ онунджы несилине биле РАББИнинъ джемаатына кирмеге олмаз.

Йирмея 49:1

Аммон огъуллары акъкъында РАББИ бойле дей: – Исраильнинъ огъуллары ёкъмы, аджеба? Ёкъмы мирасчысы? Ойле олса, не ичюн Милкъом алласы Гъад топрагъыны запт этти? Не ичюн онъа ибадет эткенлер Гъаднынъ шеэрлеринде яшай?

Агълав йырлары 1:10

Душман энъ къыйметли шейлерине къолуны узатты; О, коре ки, Мукъаддес Ерине миллетлер кирелер; Сен исе, я Рабби, Сенинъ джемаатынъда олмагъа оларгъа разылыкъ бермединъ.