Къануннынъ текрары 20:1 - Мукъаддес Китап

¹ Сен душманларынъа къаршы дженк этмек ичюн чыкъып, онынъ атлары, дженк арабалары ве ордусы сенинъкиден чокъ олгъаныны корьсенъ, олардан къоркъма. Сени Мысыр топрагъындан чыкъаргъан Алланъ олгъан РАББИ сеннендир.

Къануннынъ текрары 20:1 Referans Kwoze

Къануннынъ текрары 31:8

Огюнъден кетеяткъан РАББИ сеннен оладжакъ. О сени къалдырмайджакъ ве ташламайджакъ. Къоркъма ве дешет тюбюне къалма.

Зебур 20:7

Сен онъа эбедий бахшышларны бердинъ, Сенинъ юзюнъ онъа къуванч кетирди.

Къануннынъ текрары 31:6

Къуветли ве джесаретли олунъыз, олардан къоркъманъыз ве чекинменъиз, чюнки сизнен Алланъ олгъан РАББИ кетеята. О, сизни къалдырмайджакъ ве ташламайджакъ.

Римлилерге 8:31

Энди бунъа не айтайыкъ? Бизим тарафымызда Алла олса, бизге къаршы ким чыкъар экен?

Ешая 43:2

Сувларнынъ ичинден кечкенинъде, янынъда оладжагъым, озенлерден кечкенинъде, богъулмайджакъсынъ, атештен кечкенинъде, янмайджакъсынъ, алев сени якъмайджакъ.

Ешая 31:1

Вай-вай-вай! Мысырдан ярдым сорап кеткенлернинъ башына беля! Атларгъа таяналар, дженк арабаларынынъ чокълугъына ве аскерлерининъ буюк кучюне ишаналар, Исраильнинъ Азизине исе къулакъ асмайлар, РАББИни къыдырмайлар.

Нун огълу Ехошуа 1:5

Бутюн омрюнъиз девамында сизге къаршы кимсе турып оламайджакъ. Мен Мусанен олгъаным дайын, сеннен оладжагъым. Сенден айырылмам ве сени ташламам.

Ешая 7:14

Мына, Рабби Озю сизге алямет береджек. Бакъынъыз, къыз юклю олып, огъул догъаджакъ, адыны Иммануэл къояджакълар.

Зебур 118:6

О вакъытта утанмаз эдим, бутюн эмирлеринъе бакъып.

Нун огълу Ехошуа 1:9

Мен санъа эмир этем: къуветли ве джесаретли ол, къоркъма, отюнъ патламасын. Къайда бармасанъ, Алланъ олгъан РАББИ сенинъ эр баргъан еринъде янынъда оладжакъ.

Зебур 46:7

Макътав йырларыны айтынъыз Аллагъа, макътав йырланъыз! Макътав йырларыны айтынъыз Падишамызгъа, макътав йырланъыз!

2 Тарих вакъиалары 14:11

Аса озюнинъ Алласы РАББИни чагъырып: – Я РАББИ! Сен зайыфнынъ кучьлюге къаршы олгъан дженкинде ярдым эте билесинъ. Я РАББИ, Алламыз! Бизге ярдымджы ол, биз Санъа ишанамыз. Биз Сенинъ Адынънен бу чокътан-чокъ олгъан душмангъа къаршы чыкътыкъ. Я РАББИ! Сен бизим Алламызсынъ! Инсангъа Сени енъмеге ёл берме! – деди.

Къадылар 6:12

РАББИнинъ Мелеги онъа келип: – Эй, джесюр аскер! РАББИ сеннен! – деди.

2 Тарих вакъиалары 20:12

Бизим Алламыз, Сен оларны джезаламазсынъмы? Бизге кельген ойле буюк ордугъа къаршы чыкъмагъа бизим кучюмиз ёкъ! Не япаджагъымызны бильмеймиз! Биз Сенден ярдым беклеймиз!

Нун огълу Ехошуа 11:9

РАББИ насыл айткъаны киби, Ехошуа ойле де япты: атларынынъ дамарларыны кесип ташлады, ат арабаларыны исе якъты.

Къануннынъ текрары 7:1

Топракънынъ саиплери олмакъ ичюн, сиз анда кетеятасыз. Алланъ олгъан РАББИ сени анда кетиргенинен, сенинъ козюнъден чокъ сайылы миллетлерни: хитлилерни, гиргашлыларны, аморлыларны, ханаанлыларны, перизлилерни, хивлилерни ве евуслыларны – сенден кучьлю ве чокъ сайылы олгъан еди миллетни къувалагъанынен,

Къануннынъ текрары 2:7

Керчектен де, Алланъыз олгъан РАББИ эр бир туткъан ишинъизде сизге бахыт берди. Бу буюк сахра бою юргенинъизде, О, сизге мукъайт ола эди. Къыркъ йыл девамында РАББИ-Таалянъыз сизлернен эди, ве сиз ич бир шейге мухтадж дегиль эдинъиз.

Сайылар 23:21

Якъупта беля корюнмей, Исраильде къаза тапылмай. РАББИ, оларнынъ Алласы – оларнынъ янындадыр, олар Оны озь Падишалары деп илян этип, Онъа боразанларда чалалар.

Башланув 26:3

Бу мемлекет бою долашып юр. Мен сеннен олурым ве сени багъышларым: санъа ве сенинъ эвлятларынъа эписи бу топракъларны берерим ве бабанъ Ибраимге берген антымны ерине кетиририм.

Къануннынъ текрары 7:18

олардан къоркъма, мытлакъа РАББИ-Тааля фыравунгъа ве бутюн Мысыргъа нелер япкъаныны акъылынъда тут.

Къануннынъ текрары 20:2

Дженк мейданына чыкъкъанынъызда, руханий янынъа якъынлашсын, халкъкъа бойле айтсын:

Къануннынъ текрары 20:3

«Динъле, Исраиль! Сиз бугунь душманларынъызгъа къаршы дженк этмеге чыкъасынъыз. Юреклеринъизге къоркъу кирмесин. Къоркъманъыз, теляшланманъыз, олар ичюн дешет тюбюне къалманъыз.

1 Падишалар 17:32

Давут Шаулгъа: – Бу себептен кимсенинъ джесарети тюшмесин. Мен, сенинъ къулунъ, барарым да, шу фелестинлинен дженклеширим, – деди.

2 Тарих вакъиалары 20:15

О бойле деди: – Эй, бутюн ехудалылар, Ерусалим халкъы ве Ехошафат падиша, дикъкъат этинъиз! РАББИ сизге бойле дей: «Бу буюк ордудан къоркъманъыз, оларнынъ огюнде къалтыраманъыз. Бу дженк сизинъки дегиль, бу дженк Алланынъ дженкидир.

Зебур 23:4

Къабаатсыз къолу, темиз юрекли, джаныны бош путларгъа бермеген, ялан айтып ант этмеген адам.

Ешая 41:10

Къоркъма! Мен янынъдадырым! Дешетке къалма! Мен Алланъдырым! Мен сени къавийлештиририм, санъа ярдым этерим, онъ къолумнен санъа адалет берерим.

Чыкъыш 20:2

– Мен – РАББИм, сенинъ Алланъдырым. Мен сени Мысыр топрагъындан, сен къуллукъ эткен ерден алып чыкътым.

Сайылар 10:9

Сизге уджюм эткен душмангъа къаршы топрагъынъызда дженк этмек ичюн чыкъкъанда, боразанларда телюке сигналыны чалынъыз. О заман Алланъыз олгъан РАББИ сизни акъылгъа кетирир ве сизни душманларынъыздан къуртарыр.

Къануннынъ текрары 1:29

О заман мен сизлерге: «Олардан къоркъманъыз, рухтан тюшменъиз!

Къануннынъ текрары 7:21

Олардан къоркъма. РАББИ-Таалянъ, буюк ве къоркъунчлы Алла сеннендир.

Къануннынъ текрары 9:3

Бугунь буны биль: Алланъ олгъан РАББИ огюнъден кете. О – эписини якъып ёкъ эткен атештир. О, оларны сенинъ огюнъде ёкъ этеджек, санъа бойсундыраджакъ. РАББИ санъа айткъаны киби, сен оларнынъ мулькюни тез-тез запт этеджексинъ ве озьлерини ёкъ этеджексинъ.

Къадылар 6:16

РАББИ онъа: – Мен сеннен оладжагъым. Сен мидьянлыларны, санъки бир адамны киби, енъеджексинъ, – деди.

2 Тарих вакъиалары 14:10

Аса онынъ къаршысына чыкъты ве Марешанынъ янындаки Цефата вадийинде дженкке азырланды.

Зебур 46:8

Алла – бутюн ер юзюнинъ Падишасыдыр; усталыкънен Онъа макътав йырларыны айтынъыз!

Йирмея 16:14

– Онынъ ичюн бакъынъыз! – дей РАББИ. – Ойле куньлер келеяталар ки, о заман: «Исраиль огъулларыны Мысыр топрагъындан чыкъаргъан РАББИ тиридир!» – айткъанлар тапылмайджакълар.

Зекерья 10:5

Олар батырлар киби олур, сокъакълардаки чамур киби, дженкте душманларыны басаджакъ. РАББИ оларнен олгъаны ичюн, дженклешеджеклер ве атлыларны масхара этеджеклер.