Къануннынъ текрары 16:8 - Мукъаддес Китап

⁸ Алты кунь маясыз пишкен пителерни аша. Единджи куню исе Алланъ олгъан РАББИ ичюн буюк топлашув олсун. Ич бир тюрлю иш япма.

Къануннынъ текрары 16:8 Referans Kwoze

Левийлилер 23:36

Еди кунь девамында РАББИге атеште якъыладжакъ бахшышларны кетиринъиз. Секизинджи куню мукъаддес топлашув япынъыз ве РАББИге атеште якъыладжакъ бахшышларны кетиринъиз. Бу, байрамнынъ сонъки топлашувыдыр. Ишке янашманъыз.

Ёэль 1:14

Ашаманъыз-ичменъиз, эр бирини топлашувгъа чагъырынъыз. Акъсакъалларны ве мемлекетте эписи яшагъанларны Алланъыз олгъан РАББИнинъ Эвине чагъырынъыз ве РАББИге ялварынъыз.

2 Тарих вакъиалары 7:9

Къурбан ерини еди кунь девамында азиз эттилер ве еди кунь девамында байрам яптылар, секизинджи куню исе тантаналы топлашув яптылар.

Нехемья 8:18

Еди кунь девамында байрам эттилер ве эр кунь, биринджи куньден сонъки куньгедже Алланынъ Къанун Китабыны окъудылар. Секизинджи куню исе къараргъа коре байрам топлашувы яптылар.

Сайылар 28:25

Единджи куню мукъаддес топлашувынъыз олсун, ишке янашманъыз.