Къануннынъ текрары 11:8 - Мукъаддес Китап

⁸ Бойлеликнен, мен бугунь сизге буюргъан бутюн Къанунны тутунъыз. Сонъ сиз къуветлешеджексинъиз ве барып, топракънынъ саиплери оладжакъсынъыз. Онынъ саиплери олмакъ ичюн, сиз озенни кечмектесинъиз.

Къануннынъ текрары 11:8 Referans Kwoze

Эфеслилерге 6:10

Не исе, Раббинен ве Онынъ къудретли къуветинен кучьлю олунъыз.

Филиплердекилерге 4:13

Манъа кучь берген Иса Месихнинъ ярдымынен эр шейни япып олам.

Эфеслилерге 3:16

О, Озь шуретининъ байлыгъына коре, Озь Рухунен сизинъ ичинъизде олгъан инсанда сизге къуветли олмагъа такъат берсин,

Къануннынъ текрары 31:23

Нун огълу Ехошуагъа РАББИ: – Къуветли ве джесаретли ол. Сен Исраиль огъулларыны Мен оларгъа ант эткен топракъкъа кирсетеджексинъ. Мен сеннен олурым, – деп буюрды.

Зебур 138:3

Юргенимде де, раатлангъанымда да Сен мени бакъасынъ, бутюн ёлларымны Сен эвельден билесинъ.

Колоссайлыларгъа 1:11

Онынъ шуретли къудретинен къуветлешип, эр шейге сабырлы ве чыдамлы олунъыз; къуванчнен

Даниял 10:19

ве бойле деди: – Къоркъма, Алла севген адам! Сенде эр шей эсен-аман олсун! Джесаретли ве кучьлю ол! О меннен лаф эткенде, мен къуветлендим ве онъа бойле дедим: – Айт, эфендим! Сен манъа кучь бердинъ.

Къануннынъ текрары 28:47

Эр шейинъ бол олгъанда, къуванчнен джан-юректен Алланъ олгъан РАББИге хызмет этмегенинъ ичюн,

Ешая 40:31

РАББИге ишангъанлар исе тазе кучь аладжакъ, къарталлар киби, къанатларыны котереджек, чапып, болдурмайджакъ, юрип, такъаттан кесильмейджеклер.

Чыкъыш 20:12

РАББИ-Таалянъ санъа берген ер юзюнде яшагъан куньлеринъ узун олсун деп, бабанъны ве ананъны урьмет эт.

Къануннынъ текрары 11:7

Сиз исе РАББИнинъ япкъан бутюн бу улу ишлерини озь козьлеринъизнен корьдинъиз.

Къануннынъ текрары 4:14

О заман РАББИ манъа низамнамелерни ве къарарларны сизге огретмеге буюрды, сиз саип олмакъ ичюн киреджек топракъта оларны тутаджакъ эдинъиз.