Къадылар 8:2 - Мукъаддес Китап

² Лякин Гидон оларгъа бойле джевап берди: – Меним япкъанларым сизинъкисине коре не? Эфраимлилернинъ энъ сонъки салкъымлары Авиэзер топлагъан юзюм берекетинден яхшыдыр!

Къадылар 8:2 Referans Kwoze

Къадылар 6:34

О вакъыт Гидонны РАББИнинъ Руху къаплады. Гидон бору чалды, ве онынъ пешинден кетмек ичюн Авиэзернинъ сою топлашты.

Къадылар 6:11

РАББИнинъ Мелеги келип, Авиэзер союндан олгъан Ёашнынъ Офрадаки эмени тюбюнде отурды. Тамам шу вакъытта Ёашнынъ огълу Гидон богъдайны арманлай эди. Мидьянлылар оны корьмесин деп, юзюм эзген ерде арманлай эди.

Левийлилер 19:9

Топрагъынъызда берекет джыйгъанда, тарланынъ кенарларыны орманъыз. Оракъ вакътында ерге тюшип къалгъан башакъларны джыйманъыз.

Къадылар 8:1

Эфраимлилер Гидонгъа келип, онъа: – Сен не ичюн ойле яптынъ? Мидьянлыларгъа къаршы дженкке чыкъкъанда, не ичюн бизлерни чагъырмадынъ? – дедилер. Олар пек ачувлы лаф эте эдилер.

Къадылар 8:3

Сизинъ элинъизге Алла мидьянлыларнынъ Орев ве Зеев адлы башлыкъларыны берди. Меним япкъанларымны сизинъ япкъанларынъызнен тенъештирмек биле олмаз. Гидоннынъ сёзлерини эшиткен сонъ, оларнынъ ачувы ятышты.

Сайылар 26:30

Гиладнынъ огъуллары булардыр: Иэзерден – иэзерлилернинъ сою, Хелектен – хелеклилернинъ сою,