Къадылар 7:9 - Мукъаддес Китап

⁹ Шу гедже РАББИ Гидонгъа: – Ашагъы тюш де, оларнынъ ордусына уджюм эт. Мен оларны сенинъ къолунъа бердим.

Къадылар 7:9 Referans Kwoze

Къадылар 3:28

О, оларгъа: – Меним артымдан юрюнъиз. РАББИ моавлы душмаларынъызны къолунъызгъа берди, – деди. Исраиллилер онынъ артындан кетип, Иордан озениндеки Моавгъа кечит ёлуны къолуна алдылар, ве кимсеге кечмеге ёл бермедилер,

Фаалиет 27:23

Мына бу гедже манъа Алланынъ мелеги корюнди. Мен бу Аллагъа аит олам, Онъа ибадет этем.

Матта 2:13

Тылсымджы алимлер кеткен сонъ, Раббининъ бир мелеги Юсуфкъа тюшюнде келип: – Еринъден тур! Баланен анасыны алып, Мысыргъа къач ве, мен санъа айтмагъанымдже, о ерде къал. Ирод Баланы къыдырып тапып, Оны ольдюрмеге истей, – деди.

Матта 1:20

Бойле фикирге кельген вакъытта, гедже онынъ тюшюнде Раббиден бир мелек келип: – Эй, Давутнынъ огълу Юсуф! Сен Мерьемге эвленмектен асыл къоркъма. Онынъ къарнындаки Бала – Мукъаддес Рухтандыр.

Эюп акъкъында китап 4:13

О гедже мен къоркъунчлы тюшни корьдим, о вакъыт къатты юкъу адамларны сарды.

2 Тарих вакъиалары 20:17

Сизлер бу кере дженклешмейджексинъиз. Келинъиз ве еринъизде турып, РАББИ сизге ёллайджакъ къуртулышкъа бакъынъыз. Эй, Ехуда ве Ерусалим! Къоркъманъыз ве къалтыраманъыз. Ярын оларгъа къаршы чыкъынъыз. РАББИ сизнен!»

Къадылар 3:10

Отниэлде РАББИнинъ Руху бар эди. Ве о, Исраильнинъ къадысы эди. О дженкке чыкъты, ве РАББИ Арам падишасы Хушан-Ришатаимни онынъ къолуна берди, ве о Хушан-Ришатаимни енъди.

Нун огълу Ехошуа 10:8

РАББИ Ехошуагъа: – Олардан къоркъма. Мен оларны сенинъ къолунъа бердим. Олардан бири санъа къаршы турып оламаз, – деди.

Нун огълу Ехошуа 2:24

Сонъ Ехошуагъа: – РАББИ бутюн бу топракъны бизим къолумызгъа берди. О ернинъ эписи яшагъанларынынъ бизден отьлери патлай, – дедилер.

Нун огълу Ехошуа 11:6

РАББИ Ехошуагъа: – Олардан къоркъма. Ярын, къарарнен бу вакъытта, Мен оларнынъ эписини Исраильнинъ къолуна ольдюрильмек ичюн берерим. Атларнынъ дамарларыны кесип ташла, ат арабаларыны якъ, – деди.

Къадылар 7:8

Халкъта олгъан бутюн емекни алдылар, бундан гъайры боруларыны да алдылар. Исраиллилерни эв-эвине йиберип, Гидон озюнен берабер 300 киши къалдырды. Мидьянлыларнынъ ордусы исе ашагъыда, вадийде эди.

Къадылар 7:10

Эгер бармагъа къоркъсанъ, ордугъа хызметчинъ Пуранен берабер бар,

Къадылар 20:28

ве Харун огълу Элазарнынъ огълу Пинехас онынъ огюнде хызмет эте эди. – Къардашларымыз олгъан Биньямин къабилесинен дженкни девам этейикми? – деп сорадылар исраиллилер. – Я да дженкни токътатайыкъмы? РАББИ оларгъа джевап берип: – Дженклешинъиз! Ярын Мен оларны къолларынъызгъа берерим! – деди.

1 Падишалар 14:8

Ёнатан исе: – Шимди биз оларнынъ янына кечип, козь оглеринде токътармыз.

1 Падишалар 23:4

Давут кене РАББИге мураджаат этти, ве РАББИ онъа: – Тур, Кеилагъа кет. Мен фелестинлилерни сенинъ къолунъа теслим этеджегим, – деди.