Къадылар 4:21 - Мукъаддес Китап

²¹ Сисера ёргъунлыкътан юкълап къалды. Хевернинъ апайы Яэль, чадырны пекиткен къазыкъны ве чёкючни алып, яваштан Сисеранынъ янына кельди ве къазыкъны Сисеранынъ чекесине къакъып къойды – оны ерге мыхлады. Сисера шу дакъкъасы да ольди.

Къадылар 4:21 Referans Kwoze

1 Коринтлилерге 1:27

Лякин Алла дюньянынъ акъылсызларыны сайлап, акъыллыларны масхара этти, дюньянынъ къуветсизлерини сайлап, къуветлилерни масхара этти.

Зебур 3:7

Эр тарафтан манъа къаршы чыкъкъан он бинълердже адамлар юрегиме къоркъу ич кирсетмез.

Къадылар 3:21

Эхуд сол къолуны узатып, сагъ янбашындан къылычыны чыкъарды да, онынъ къурсагъына саплады.

1 Коринтлилерге 1:19

Бойле язылгъан: «Акъыллыларнынъ икметини ёкъ этерим, анълагъан адамларнынъ анълавыны четке ташларым».

1 Падишалар 17:43

– Сен манъа не таякъ котерип чыкътынъ: мен санъа копекми ёкъса? – деди фелестинли ве, озь аллаларыны чагъырып, Давутны къаргъады.

Къадылар 15:15

Шимшон эшекнинъ даа къурумагъан ченге кемигини тапты. Къолуны узатып, оны алды ве бинъ дане фелестинлини урып ольдюрди.

Къадылар 3:31

Эхуддан сонъ Анат огълу Шамгъар кельди. О, 600 фелестинлини сюйрю таякънен ольдюрди. О да Исраильни къуртара эди.

Къадылар 4:9

– Мен сеннен кетерим, – деди Девора. – Лякин ойле олса, санъа шурет олмаз. РАББИ Сисераны къадыннынъ къолуна береджек! Бундан сонъ Девора Баракънен берабер Кедеш шеэрине кетти.

Къадылар 4:20

– Чадырнынъ къапусында тур, – деди Сисера. – Эгер бир кимсе келип, сенден: «Мында бирде-бир акъай бармы?» – деп сораса, «Кимсе ёкъ», – деп джевап бер.

Къадылар 4:22

Сисеранынъ артындан къувалап кельген Баракъ пейда олгъанда, Яэль онынъ алдына чыкъты да: – Кель, санъа сен къыдыргъан адамны корьсетейим, – деди. Баракъ киргенде, не корьсюн: Сисера олю ята. Чекесине исе къазыкъ мыхлангъан.