Къадылар 4:19 - Мукъаддес Китап

¹⁹ Сисера сув сорап: – Манъа бираз сув бер! Сувсадым, – деди. Къадын сют сакълангъан мешин торбаны чезип, Сисераны ичирди ве кене устюни ёргъаннен орьтти.

Къадылар 4:19 Referans Kwoze

Юхан 4:7

Шу вакъыт самариели бир къадын сув чекмеге кельди. Иса онъа: – Манъа ичмеге сув берсе, – деди.

Ешая 41:17

Ёкъсулларнен фукъарелер сув къыдыраджакълар, амма тапалмайджакълар. Сувсузлыкътан тиллери къуруйджакъ. Мен, РАББИ, оларгъа джевап береджегим, Мен, Исраильнинъ Алласы, оларны къалдырмайджагъым.

3 Падишалар 17:10

Ильяс турып, Царефаткъа кетти. Шеэрнинъ араба къапусына якъынлашкъанда, одун джыйып юрген тул къадынны корьди. О, къадынны чагъырып: – Манъа савутынъдан бираз сув бер, ичейим, – деди.

Башланув 24:43

Мына мен шимди сув чокърагъы янында турам. Сув чекмек ичюн мында бир къыз кельгенде, мен онъа: “Гугюминъден манъа азчыкъ сув ичмеге берсе”, – деп айтарым.

Къадылар 4:18

Яэль Сисераны къаршылап: – Кир, кир, эфендим! Кир, къоркъма! – деди. Сисера онынъ чадырына кирди. Къадын онынъ устюни ёргъаннен орьтти.

Къадылар 4:20

– Чадырнынъ къапусында тур, – деди Сисера. – Эгер бир кимсе келип, сенден: «Мында бирде-бир акъай бармы?» – деп сораса, «Кимсе ёкъ», – деп джевап бер.

Къадылар 5:24

Кенли Хевернинъ апайы Яэль къадынлар арасында багъышлансын! Чадырларда яшагъан къадынлар арасында багъышлансын!